ລາຄາສົ່ງອອກເຂົ້າ ຫວຽດນາມ ເພີ່ມຂຶ້ນເກືອບ 10% ໃນໄລຍະ 2 ເດືອນຕົ້ນປີນີ້
ສຳນັກຂ່າວ ຊິນຮວາ ຂອງ ສປ ຈີນ ລາຍງານວ່າ: ປັດຈຸບັນ ລາຄາສົ່ງອອກເຂົ້າ ຂອງ ສສ ຫວຽດນາມຢູ່ລະດັບ 528,5 ໂດລາສະຫະລັດ ຕໍ່ໂຕນ ເພີ່ມຂຶ້ນ 9,8% ໃນໄລຍະ 2 ເດືອນຕົ້ນປີນີ້ ເມື່ອທຽບໃສ່ປີຜ່ານມາ, ຫລັງຈາກ ເກີດວິກິດການໃນຢູເຄນກະຕຸ້ນໃຫ້ກຸ່ມຜູ້ນຳເຂົ້າ ເຂົ້າຫລາຍຂຶ້ນ ແລະ ມີການກັກເກັບສິນຄ້າໃນສາງສຳຮອງຫລາຍຂຶ້ນກວ່າເກົ່າໂດຍລາຄາເຂົ້າຫັກ 5% ໃນເດືອນກຸມພາ ເພີ່ມຂຶ້ນ 457 ໂດລາສະຫະລັດ ຕໍ່ໂຕນ ຈາກລາຄາ 449 ໂດລາ ສະຫະລັດ ເມື່ອເດືອນມັງກອນ ທີ່ຜ່ານມາ. ຂະນະທີ່ ຟີລິບປິນ ເປັນຕະຫລາດ ນຳເຂົ້າ ຂະໜາດໃຫຍ່ສຸດຂອງ ສສ ຫວຽດນາມ ດ້ວຍສະຖິຕິ 129.000 ໂຕນ ຄິດເປັນ ມູນຄ່າ 64,55 ລ້ານໂດລາສະຫະລັດ ແລະ ກວມເອົາ 32,6% ຂອງການສົ່ງອອກທັງໝົດຂອງຫວຽດນາມ.
ນອກຈາກນີ້ຍັງມີບັນຫາຈາກໄພແຫ້ງແລ້ງໃນບາງປະເທດສົ່ງຜົນກະທົບ ຕໍ່ການຜະລິດຫລຸດລົງ. ຂະນະທີ່ຄຳສັ່ງຫ້າມສົ່ງອອກເຂົ້າຫັກຂອງອິນເດຍ ແລະ ການກຳນົດອັດຕາພາສີແນວພັນເຂົ້າລະດັບ 20% ອາດເຮັດໃຫ້ ສສ ຫວຽດນາມ ເປັນໜຶ່ງໃນປະເທດ ຜູ້ສົ່ງອອກເຂົ້າແຫ່ງໃຫຍ່ທີ່ສຸດຂອງໂລກ.
