ຟຣອຍ ເມເວເທີ ກຽມຂຶ້ນຊົກມວຍໂຊ ອີກ 5 ຄັ້ງໃນປີ 2023 ພ້ອມອວດວ່າ ເຖິງບໍ່ໄດ້ຊົກມວຍກໍ່ໄດ້ເງິນຄືເກົ່າ

ເຖິງວ່າຈະປະກາດໂຈະໃນການຕີມວຍອາຊີບແລ້ວ, ແຕ່ປະຈຸບັນ ຟຣອຍ ເມເວເທີ ຕຳນານແຊ້ມໂລກໄຮ້ພ່າຍ, ຍັງມ່ວນຊື່ນກັບການສ້າງລາຍໄດ້ຈາກຕີມວຍ. ແຕ່ປ່ຽນຮູບແບບມາເປັນການຂຶ້ນສະແດງຕີມວຍແທນ ເຊິ່ງໃນໄລຍະສອງສາມປີຜ່ານມາ ລາວສືບຕໍ່ຂຶ້ນເວທີຢ່າງຕໍ່ເນື່ອງ ຮັບຊັບໄປໜ້ອຍ.

ແລະ ຫລັງຈາກທີ່ຂຶ້ນສູ້ກັບ Aaron Chalmers, ອະດີດນັກສູ້ MMA ຂອງອັງກິດໃນເດືອນກຸມພາ ຟຣອຍ ເປີດເຜີຍຜ່ານທາງ Instagram ວ່າຈະມີການແຂ່ງຂັນອີກ 5 ຄັ້ງໃນປີ 2023 ໃນສະຫະລັດອາເມລິກາ, ຍີ່ປຸ່ນ, ເກົາຫລີໃຕ້, ອົດສະຕຣາລີ ແລະ ເຢຍລະມັນ, ເຊິ່ງອາດຈະມີຫລາຍກວ່ານັ້ນກໍເປັນໄດ້.

ບໍ່ພຽງແຕ່ເທົ່ານັ້ນ ເຈົ້າຂອງສະຖິຕິການຊົກ 50 ນັດ, ຊະນະນ໊ອກ 27 ຄັ້ງ, ຍັງອວດອີກວ່າ ເຖິງແມ່ນວ່າຈະມີເຫດການທີ່ຂັດຂວາງບໍ່ໃຫ້ມີການຕໍ່ສູ້ຈັດຂຶ້ນໄດ້. ຕົວລາວກໍ່ຍັງໄດ້ເງິນຄືເກົ່າ.