ທົ່ວແຂວງຜົ້ງສາລີ ມີ 507 ບ້ານ ສາມາດບັນລຸບ້ານພົ້ນທຸກໄດ້ແລ້ວ 153 ບ້ານ
ທ່ານ ສົມສະນິດ ບາວຈັນ ຮອງຫົວໜ້າຂະແໜງພັດທະນາຊົນນະບົດ ພະແນກ ປກ ແຂວງ ລາຍງານຕໍ່ກອງປະຊຸມເຜີຍແຜ່ ແນະນຳ ການນຳໃຊ້ຂໍ້ມູນຜົນການປະເມີນໄລຍະຕົ້ນ ຕາມດຳລັດ 348/ລບ ວ່າດ້ວຍມາດຖານພົ້ນທຸກ ແລະ ມາດຕະຖານພັດທະມາຂອງແຂວງຜົ້ງສາລີ ວັນທີ 7 ມີນາ 2023 ຜ່ານມານີ້ ວ່າ: ເມື່ອທຽບໃສ່ຂໍ້ມູນຕົວຕັ້ງ ປີ 2019 ເຫັນວ່າ ທົ່ວແຂວງມີຈຳບ້ານໄດ້ຫຼຸດລົງ 9 ບ້ານ, (ຈາກ 516 ບ້ານ ມາເປັນ 507 ບ້ານ), ບ້ານພົ້ນທຸກໄດ້ 36 ບ້ານຈາກ 117 ບ້ານ ມາເປັນ 153 ບ້ານ, ບ້ານພັດທະນາ 8 ບ້ານ.
ເມືອງໃໝ່ທຽບໃສ່ຂໍ້ມູນຕົວຕັ້ງປີ 2019 ມີຫຼຸດລົງ 3 ບ້ານ, ມີຄອບຄົວເພີ່ມຂື້ນ 237 ບ້ານ, ມີຄອບຄົວພົ້ນທຸກເພີ່ມຂື້ນ 332 ຄອບຄົວ, ຄອບຄົວພັດທະນາເພີ້ມຂື້ນ 470 ຄອບຄົວ, ມີບ້ານພົ້ນທຸກ 6 ບ້ານ ແລະ ບໍ່ມີຈຳນວນບ້ານພັດເພີ່ມຂື້ນ ນອກນັ້ນ ທ່ານ ໄນເພັດ ບຸບພາ ຍັງໄດ້ຂື້ນມີຄຳເຫັນໂອ້ລົມ ແລະ ທ່ານຍັງໄດ້ວາງຄາດໝາຍສູ້ຊົນໃນການສ້າງຄອບຄົວ, ບ້ານ, ເມືອງພົ້ນທຸກ ແລະ ຄອບຄົວ, ບ້ານພັດທະນາ ບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ສ້າງເມືອງໃຫ້ເຂັມແຂງຮອບດ້ານ.
