ຫວຽດນາມກວາດລາຍໄດ້ຈາກການທ່ອງທ່ຽວເຖິງ 3 ພັນລ້ານໂດລາ ໃນ 2 ເດືອນທໍາອິດ
ວັນທີ 3 ມີນາຜ່ານມາ, ອົງການບໍລິຫານການທ່ອງທ່ຽວແຫ່ງຊາດຫວຽດນາມ ລາຍງານວ່າ: ຫວຽດນາມສ້າງລາຍໄດ້ຈາກການທ່ອງທ່ຽວສູງເຖິງ 3,6 ພັນລ້ານໂດລາສະຫະລັດ ໃນໄລຍະ 2 ເດືອນທໍາອິດຂອງປີນີ້ ເພີ່ມຂຶ້ນ 12% ຈາກປີກ່ອນ.
ເຖິງວ່າຈໍານວນນັກທ່ອງທ່ຽວຕ່າງປະເທດຈະຍັງບໍ່ຟື້ນຕົວເທົ່າລະດັບກ່ອນເກີດພະຍາດລະບາດ, ແຕ່ຕົວເລກນັກທ່ອງທ່ຽວທີ່ມີຫວຽດນາມກໍາລັງເພີ່ມຂຶ້ນເລື້ອຍໆ ເນື່ອງຈາກການກັບມາເປີດປະເທດຢ່າງເຕັມຮູບແບບ.
ສໍານັກງານສະຖິຕິແຫ່ງຊາດຫວຽດນາມ ເປີດເຜີຍວ່າ: ຫວຽດນາມຕ້ອນຮັບຜູ້ໂດຍສານຕ່າງປະເທດເກືອບ 1,8 ລ້ານຄົນ ໃນເດືອນມັງກອນຫາເດືອນກຸມພາ ໂດຍສ່ວນຫລາຍເປັນຜູ້ໂດຍສານທີ່ເດີນທາງຜ່ານທາງອາກາດ ເຊິ່ງຄິດເປັນ 58% ຂອງຕົວເລກທີ່ບັນທຶກໄວ້ໃນໄລຍະເວລາດຽວກັນຂອງປີ 2019.
ໄລຍະເວລາດັ່ງກ່າວ ຈໍານວນນັກເດີນທາງຕ່າງປະເທດເຂົ້າຫວຽດນາມທາງອາກາດຄິດເປັນ 90,7% ຂອງນັກເດີນທາງທັງໝົດ, ຮອງລົງມາແມ່ນທາງຖະໜົນມີ 8,6% ແລະ ເສັ້ນທາງທາງທະເລ 0,7% ໂດຍ ສ.ເກົາຫລີ ຖືເປັນຕະຫລາດທ່ອງທ່ຽວຂະໜາດໃຫຍ່ທີ່ສຸດໃນໄລຍະສອງເດືອນທໍາອິດ ດ້ວຍຈໍານວນນັກທ່ອງທ່ຽວເຂົ້າຫວຽດນາມ 560.000 ຄົນ, ຮອງລົງມາແມ່ນອາເມລິກາ 148.000 ຄົນ ແລະ ໄທ 97.000 ຄົນ.
ທັງນີ້, ຫວຽດນາມຕັ້ງເປົ້າຕ້ອນຮັບນັກທ່ອງທ່ຽວຕ່າງປະເທດ 8 ລ້ານຄົນໃນປີນີ້ ພ້ອມຄາດວ່າລາຍໄດ້ຈາກການທ່ອງທ່ຽວຈະສູງເຖິງ 2,73 ໝື່ນລ້ານໂດລາສະຫະລັດ ເພີ່ມຂຶ້ນ 31% ຈາກປີຜ່ານມາ ເຊິ່ງສ້າງລາຍໄດ້ທັງໝົດ 2,08 ໝື່ນລ້ານໂດລາສະຫະລັດກ
