ທ່ານ ສີຈິ້ນຜິງ ສະເໜີຄຳເຫັນສຳຄັນຫລາຍຂໍ້ທີ່ຊີ້ແຈງວຽກງານຂອງພັກ ແລະ ລັດຖະບານຈີນ

ວິທະຍຸສາກົນແຫ່ງປະເທດຈີນ (CRI) ໄດ້ລາຍງານວ່າ: ໃນກອງປະ ຊຸມສະພາປະຊາຊົນແຫ່ງຊາດຈີນ ແລະກອງປະຊຸມສະພາເປິກສາການ ເມືອງປະຊາຊົນແຫ່ງຊາດຈີນ ທີ່ຈັດຂຶ້ນໃນ 10 ປີຜ່ານມານີ້, ໃນເວລາແລກ ປ່ຽນຄວາມເຫັນກັບຜູ້ແທນປະຊາຊົນ ແລະສະມາຊິກສະພາເປິກສາການ ເມືອງຢ່າງເລິກເຊິ່ງນັ້ນ, ທ່ານ ສີຈິ້ນຜິງ ປະທານປະເທດຈີນ ໄດ້ສະເໜີຄຳ ເຫັນທີ່ສຳຄັນຫລາຍຂໍ້, ເຊິ່ງໄດ້ມີບົດບາດອັນສຳຄັນໃນການຊີ້ແຈງວຽກງານ ຂອງພັກ ແລະລັດຖະບານຈີນ.

ປີ 2014, ທ່ານ ສີຈິ້ນຜິງ ໄດ້ສະເໜີຄວາມຮຽກຮ້ອງ 3 ເຂັ້ມງວດ 3 ໜັກ ແໜ້ນຕໍ່ກັບພະນັກງານການນຳ, ເຊິ່ງໄດ້ສັງເຂບຄຸນສົມບັດການເມືອງ ແລະຫລັກການແຫ່ງຄວາມເປັນຄົນຂັ້ນພື້ນຖານສຳລັບຊາວພັກ ຄອມມູນິດ.

ປີ 2015, ທ່ານ ສີຈິ້ນຜິງ ໄດ້ເນັ້ນໜັກວ່າ ໃນລະບົບນິເວດທຳມະຊາດ ຕ້ອງມີພູຂຽວນ້ຳໃສ, ໃນນິເວດການເມືອງກໍຕ້ອງມີພູຂຽວນ້ຳໃສເຊັ່ນ ດຽວກັນ, ເຊິ່ງໄດ້ຊຸກຍູ້ການສ້າງນິເວດການເມືອງທີ່ປອດໃສຕື່ມອີກ.

ປີ 2016, ທ່ານ ສີຈິ້ນຜິງ ໄດ້ບັນລະບາຍການພົວພັນແບບໃໝ່ລະຫວ່າງ ລັດຖະບານກັບນັກທຸລະກິດດ້ວຍຄຳສັບທີ່ວ່າ ສະໜິດສະໜົມກັນ ແລະ ປອດໃສຂາວສະອາດ.

ປີ 2017, ທ່ານ ສີຈິ້ນຜິງ ໄດ້ໃຊ້ຄຳປຽບທຽບທີ່ວ່າ ດວງຕາຊີວິດ ແລະແກ່ນ ໝາກພິລາ ເພື່ອບັນລະຍາຍຄວາມສາມັກຄີລະຫວ່າງຊົນເຜົ່າ, ຊຸກຍູ້ສະຕິ ປະຊາຄົມປະຊາຊາດຈີນ ເຂົ້າສູ່ຈິດໃຈຂອງປະຊາຊົນຢ່າງເລິກເຊິ່ງ.

ປີ 2018, ທ່ານ ສີຈິ້ນຜິງ ໄດ້ບັນລະຍາຍກ່ຽວກັບລະບອບພັກການເມືອງ ແບບໃໝ່, ໂດຍເນັ້ນໜັກວ່າຕ້ອງສາມັກຄີກັບພັກການເມືອງ ແລະບຸກຄົນ ທີ່ບໍ່ສັງກັດພັກການເມືອງຢ່າງແໜ້ນແຟ້ນ, ບາກບັ່ນສູ້ຊົນເພື່ອກ້າວໄປສູ່ ເປົ້າໝາຍຮ່ວມ.

ປີ 2019, ທ່ານ ສີຈິ້ນຜິງ ໄດ້ລົງເລິກບັນລະຍາຍແນວຄິດອະລິຍະທຳ ດ້ານຊີວະພາບ ໂດຍໄດ້ສະແດງໃຫ້ເຫັນເຖິງການກຳແໜ້ນກົດເກນຂອງ ການສ້າງສາອະລິຍະທຳດ້ານຊີວະພາບ ເພື່ອຊຸກຍູ້ການສ້າງສາອະລິຍະທຳ ດ້ານຊີວະພາບໃຫ້ກ້າວຂຶ້ນສູ່ລະດັບໃໝ່.

ປີ 2020, ທ່ານ ສີຈິ້ນຜິງ ໄດ້ເນັ້ນໜັກໃຫ້ສ້າງໂຄງປະກອບການພັດທະນາ ໃໝ່ທີ່ຖືການໝູນວຽນພາຍໃນປະເທດເປັນຫລັກ ແລະຊຸກຍູ້ໃຫ້ຕະຫລາດ ພາຍໃນ ແລະຕ່າງປະເທດຊ່ວຍຊູຍູ້ໜູນເຊິ່ງກັນແລະກັນ ນີ້ເປັນການວາງ ແຜນຍຸດທະສາດເພື່ອກຳສິດເປັນເຈົ້າຕົນເອງໃນການພັດທະນາໃນຕໍ່ໜ້າ.

ປີ 2021, ທ່ານ ສີຈິ້ນຜິງ ໄດ້ກ່າວວ່າ: ຊຸກຍູ້ໃຫ້ການພັດທະນາດ້ວຍຄຸນນະ ພາບສູງກັບການສ້າງຊີວິດທີ່ມີຄຸນນະພາບດີເຊື່ອມໂຍງເຂົ້າກັນແບບກາຍອິນຊີແລະຊ່ວຍຊູຍູ້ໜູນກັນ, ເຊິ່ງເປັນການຕອບສະໜອງຕໍ່ຄວາມປາດ ຖະໜາໃໝ່ຂອງປະຊາຊົນທີ່ມີຕໍ່ຊີວິດອັນດີງາມ.

ປີ 2022, ທ່ານ ສີຈິ້ນຜິງ ໄດ້ກ່າວເຖິງເສັ້ນທາງທີ່ຕ້ອງຜ່ານ 5 ເສັ້ນທາງ ໂດຍໄດ້ບັນລະຍາຍເຖິງຄວາມຮັບຮູ້ທີ່ສຳຄັນຕໍ່ຄວາມໝາຍໃນຂະບວນການບຸກບືນສູ້ຊົນຂອງພັກ ແລະປະຊາຊົນໃນຍຸກໃໝ່, ໄດ້ສະແດງໃຫ້ເຫັນ ເຄັດລັບແຫ່ງຄວາມສຳເລັດຜົນຂອງຈີນໃນຍຸກໃໝ່.

ຄວາມເຫັນທີ່ສຳຄັນຕ່າງໆດັ່ງກ່າວໄດ້ກຳນົດທິດທາງການພັດທະນາ ພາລະກິດຂອງພັກ ແລະລັດຢ່າງຈະແຈ້ງ, ສິ່ງນີ້ເປັນການເບິ່ງກວ້າງ ເຫັນໄກຢ່າງເລິກເຊິ່ງ ແລະການສະຫລຸບທີ່ສຸດຍອດຂອງທ່ານ ສີຈິ້ນຜິງ ທີ່ມີຕໍ່ທ່າອ່ຽງການພັດທະນາຂອງຈີນໃນຍຸກໃໝ່, ແມ່ນສ່ວນປະກອບທີ່ ສຳຄັນຂອງແນວຄິດຂອງທ່ານ ສີຈິ້ນຜິງ ກ່ຽວກັບສັງຄົມນິຍົມທີ່ມີ ສີສັນພິເສດຂອງຈີນ.

ແຫລ່ງຂ່າວ: ຂປລ