ເກີດເຫດລົດໄຟຕໍາກັນຢູ່ເກຼັກ ມີຜູ້ເສຍຊີວິດ 32 ຄົນ ບາດເຈັບ 85 ຄົນ

ເກີດເຫດລົດໄຟ 2 ຂະບວນຕໍາກັນຢູ່ເກຼັກໃນຕອນຄໍ່າວັນທີ 28 ກຸມພາ ຕາມເວລາທ້ອງຖິ່ນ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 32 ຄົນ ແລະ ບາດເຈັບອີກ 85 ຄົນ ສ່ວນສາເຫດຂອງອຸບັດເຫດຍັງບໍ່ຮູ້ແນ່ນອນ.

ເຈົ້າໜ້າທີ່ເປີດເຜີຍວ່າ: ລົດໄຟໂດຍສານລະຫວ່າງເມືອງເຊິ່ງເດີນທາງມາຈາກນະຄອນຫລວງເອເທນມຸ້ງໜ້າໄປເມືອງເທສຊາໂລນິກິທາງຕອນເໜືອ ໄດ້ຕໍາກັບລົດໄຟບັນທຸກສິນຄ້າ ຢູ່ບໍລິເວນນອກເມືອງລາຣິສຊາທາງຕອນກາງຂອງເກຼັກ ໂດຍແລ່ນມາດ້ວຍຄວາມໄວສູງທັງສອງ ສົ່ງຜົນໃຫ້ເກີດໄຟໄໝ້ຕູ້ໂດຍສານຫລາຍຕູ້ ລວມທັງມີຜູ້ໄດ້ຮັບບາດເຈັບຈາກໄຟໄໝ້ ໂດຍສື່ທ້ອງຖິ່ນລາຍງານວ່າ: ມີປະຊາຊົນປະມານ 350 ຄົນທີ່ໂດຍສານມານໍາລົດໄຟດັ່ງກ່າວ.

ອ້າງອີງ:

https://edition.cnn.com/…/greece-train-crash…/index.html

https://www.reuters.com/…/two-trains-collide-greece…/