ໂຕແທນ ຊາລາ ປະຕິເສດຂ່າວລື ກຽມລາ ລີເວີພູລ ຫາກບໍ່ສາມາດຄວ້າໂຄຕ້າຢູຟາແຊ໊ມປຽນລີກ ລະດູການໜ້າ

ໂຕແທນຂອງ ໂມຮາເຫມັດ ຊາລາ ກອງໜ້າ ລີເວີພູລ ອອກມາປະຕິເສດຂ່າວລືທີ່ວ່ານັກເຕະໃນຄວາມເບິ່ງແຍງຂອງຕົວເອງຈະຍ້າຍອອກຈາກ ລີເວີພູລ ຫາກບໍ່ສາມາດຄວ້າໂກຕ້າໄປຫລິ້ນໃນຢູຟາ ແຊ໊ມປຽນລີກ ລະດູການໜ້າ.

ກ່ອນໜ້ານີ້ມີລາຍງານຈາກ ຟີຊາເຊສ ສື່ໃນສະເປນວ່າ ຊາລາ ມີໂອກາດທີ່ຈະຍ້າຍອອກຈາກ ລີເວີພູລ ຫາກທີມບໍ່ສາມາດຄວ້າໂຄຕ້າໄປຫລິ້ນໃນຢູຟາ ແຊ໊ມປຽນລີກ ລະດູການໜ້າໄດ້ ທັງໆທີ່ຫາກໍເຊັນສັນຍາສະບັບໃຫມ່ໄປຈົນເຖິງປີ 2025.

ຫລ້າສຸດ ຣາມີ ອັບບາສ ອິສຊາ ໂຕແທນຂອງ ຊາລາ ໂພສຜ່ານທະວິດເຕີສ່ວນຕົວດ້ວຍການແຊລິ້ງຂອງຂ່າວດັ່ງກ່າວ ແລະ ຂຽນຂໍ້ຄວາມວ່າ ບໍ່ມີສາລະ ເລື່ອງນີ້ບໍ່ເຄີຍຖືກກ່າວເຖິງ ຫລື ຄິດເຖິງເລີຍ ການບໍ່ຜ່ານເຂົ້າຮອບແຊ໊ມປຽນລີກ ບໍ່ໄດ້ຢູ່ໃນຄວາມຄິດຂອງເຮົາ.

ສຳລັບ ຊາລາ ອາຍຸ 30 ປີ ຍິງໄປແລ້ວ 19 ປະຕູຈາກ 35 ນັດລວມທຸກລາຍການກັບ ລີເວີພູລ ໃນລະດູການນີ້ ຂະນະທີ່ ລີເວີພູລ ຍັງຕ້ອງຫວັງໜັກໃນການໄປຫລິ້ນຢູຟາແຊ໊ມປຽນລີກລະດູການໜ້າດ້ວຍການມີ 36 ຄະແນນ ຈາກ 23 ນັດ ຢູ່ອັນດັບ 7 ຂອງຕາຕະລາງ ຕາມຫລັງ ທັອດແນມ ຮັອດສະເປີ ທີມອັນດັບ 4 ຢູ່ 9 ຄະແນນ ແຕ່ແຂ່ງໜ້ອຍກວ່າ 2 ເກມ.