ອາເຊນອລ ກຽມເພີ່ມຄ່າເມື່ອຍດຶງດາວດັງ ກັນແມນຊິຕີ ເອົາໄປ

ບູກາໂຢ ຊາກ້າ ປີກຕົວເກ່ັງຂອງ ອາເຊນອລ ທີມດັງແຫ່ງພຣີເມຍລີກ ອັງກິດ ໄດ້ບັນລຸຂໍ້ຕົກສັນຍາສະບັບໃຫມ່ມູນຄ່າ 10 ລ້ານປອນ/ປີ ກັບ ອາເຊນອລ ເຕັມທີ່ແລ້ວ ຕາມລາຍງານເມື່ອວັນທີ 24 ກຸມພາທີ່ຜ່ານມາ.

ນັບຕັ້ງແຕ່ແຈ້ງເກີດຂຶ້ນມາເມື່ອປີ 2009 ຊາກາ ກໍພັດທະນາຕົວເອງຢ່າງເນື່ອງ ແລະ ກາຍເປັນກຳລັງສຳຄັນໃນກອງໜ້າຂອງອາເຊນອລ ຊິ່ງເຮັດໃຫ້ລາວໄດ້ຮັບຄວາມສົນໃຈຈາກຫລາຍສະໂມສອນຊັ້ນຫລາຍທີມ ແລະ ໂດຍສະເພາະຢ່າງຍິ່ງ ແມນເຊສເຕີ ຊິຕີ ທີ່ເຝົ້າເບິ່ງສະຖານະການຢ່າງໃກ້ຊິດ.

ເປບ ກວາດີໂອລາ ຜູ້ຈັດການທີມແມນຊິຕີ ມັກ ຊາກ້າ ມາດົນແລ້ວ ແລະ ຫວັງຈະຄວ້າມາເປັນຕົວແທນຂອງ ຣິຢາດ ມາເຣສ ທີ່ຢູ່ໃນໄລຍະແຮງເລີ່ມຫມົດ ແຕ່ຫລ້າສຸດມີລາຍງານວ່າ ອາເຊນອລ ກຽມຈັດດາວຍິງອາຍຸ 21 ປີ ຕໍ່ສັນຍາສະບັບໃຫມ່ອອກໄປ.

ເບນ ຈາຄອບ ນັກວິເຄາະບານຊື່ດັງລະບຸວ່າ ຊາກາ ຮັກ ອາເຊນອລ ແລະ ທີມພວມສ້າງຜົນງານໄດ້ຢ່າງໂດດເດັ່ນໃນລະດູການນີ້ ດັ່ງນັ້ນ ຄວາມຄິດດຽວຂອງລາວໃນຕອນນີ້ຄື ອາເຊນອລ ຕໍ່ໄປຕໍ່ເນື່ອງ.

“ ລາວຮັກ ອາເຊນອລ ຫລາຍ ລາຍເຊື່ອໃນໂຄງການຂອງສະໂມສອນ ລາວເຊື່ອຫມັ້ນໃນຜູ້ຈັການທີມ ແລະ ລາວຄືສ່ວນສຳຄັນຂອງທີມ ດັ່ງນັ້ນ ມັນເຈຶ່ງເປັນເລື່ອງຂອງທັງສອງຝ່າຍໃນການຮ່ວມມືກັນເພື່ອບັນລຸຂໍ້ຕົກສະບັບໃຫມ່ ”.