ສປປ ເກົາຫລີ ຍິງລູກສອນໄຟ 4 ລູກ ສະແດງປະສິດທິພາບຕອບໂຕ້ດ້ວຍນິວເຄຼຍ

ວັນທີ 23 ກຸມພາ, ສໍານັກຂ່າວ KCNA ຂອງ ສປປ ເກົາຫລີ ລາຍງານວ່າ: ສປປ ເກົາຫລີ ໄດ້ທົດລອງຍິງລູກສອນໄຟທາງຍຸດທະສາດ 4 ລູກ ລະຫວ່າງການຝຶກຊ້ອມຮົບທີ່ອອກແບບມາເພື່ອສະແດງໃຫ້ເຫັນເຖິງປະສິດທິພາບໃນການຕອບໂຕ້ດ້ວຍນິວເຄຼຍ ຖ້າຖືກກອງກຳລັງຂອງສັດຕູເຂົ້າຮຸກຮານ.

ສໍາລັບການຝຶກຊ້ອມຮົບຄັ້ງນີ້, ໜ່ວຍລູກສອນໄຟທາງຍຸດທະສາດຂອງກອງທັບ ສປປ ເກົາຫລີ ໄດ້ຍິງລູກສອນໄຟຮວາຊໍ-2 ຈໍານວນທັງໝົດ 4 ລູກ ໃນພື້ນທີ່ເມືອງຄິມແຊກ ແຂວງຮໍາຢອງເໜືອ ສູ່ທະເນນອກຝັ່ງຕາເວັນອອກຂອງແຫລມເກົາຫລີ. ຂະນະທີ່ໜ່ວຍອື່ນໆໄດ້ມີການຝຶກຊ້ອມຍິງໂດຍບໍ່ໄດ້ໃຊ້ລູກປືນແທ້.

ລູກສອນໄຟທາງຍຸດທະສາດທັງ 4 ລູກມຸ່ງໃສ່ເປົ້າໝາຍທີ່ຕັ້ງໄວ້ຫລັງຈາກລອຍຢູ່ໃນອາກາດລວມໄລຍະທາງ 2.000 ກິໂລແມັດ ເປັນເວລາ 10.208-10.224 ວິນາທີ. ເຖິງຢ່າງໃດກໍຕາມ, ໃນວັນທີ 23 ກຸມພາ, ສ.ເກົາຫລີ ແລະ ຍີ່ປຸ່ນ ບໍ່ໄດ້ມີການປະກາດວ່າ ສປປ ເກົາຫລີ ໄດ້ມີການທົດລອງຍິງລູກສອນໄຟດັ່ງກ່າວ ເຊິ່ງປົກກະຕິແລ້ວກອງທັບຂອງທັງສອງປະເທດຈະມີການລາຍງານສູ່ສາທາລະນະ.

ສໍານັກຂ່າວ Reuters ລາຍງານວ່າ: ສປປ ເກົາຫລີ ໄດ້ເດີນນ້າພັດທະນາ ແລະ ຜະລິດລູກສອນໄຟລຸ້ນໃໝ່ຈໍານວນຫລາຍ ເຖິງວ່າຈະຜະເຊີນການຂວໍ້າບາດຈາກມະຕິຂອງສະພາຄວາມໝັ້ນຄົງແຫ່ງສະຫະປະຊາຊາດ ທີ່ສັ່ງຫ້າມບໍ່ໃຫ້ມີການເຮັດກິດຈະກໍາດັ່ງກ່າວກໍຕາມ.

ອ້າງອີງ:

https://www.reuters.com/…/s-oil-expects-regional…/

https://en.yna.co.kr/view/AEN20230224000452325?section=nk/nk