ຈູດ ເບລລິງແຮມ ສ້າງສະຖິຕິຄວ້າໄຊຄົບ 50 ນັດ ອາຍຸໜ້ອຍທີ່ສຸດໃນບຸນເດສລີກາ

ຈູດ ເບລລິງແຮມ ກອງກາງດາວຮຸ່ງ ໂບຣຸສເຊຍ ດອດມຸນ ຍັງເກັ່ງຕໍ່ເນື່ອງເມື່ອສ້າງສະຖິຕິເປັນນັກເຕະທີ່ຄວ້າໄຊຄົບ 50 ນັດ ໃນບຸນເດສລີກາດ້ວຍອາຍຸທີ່ໜ້ອຍທີ່ສຸດ.

ຈູດ ເບລລິງແຮມ ກອງກາງດາວຮຸ່ງ ໂບຣຸສເຊຍ ສ້າງຖິຕິເປັນນັກເຕະອາຍຸໜ້ອຍທີ່ສຸດທີ່ຄວ້າໄຊຄົບ 50 ນັດ ໃນບຸນເດສລີກາ ເຢຍລະມັນ ຫລັງລົງສະໜາມເປັນຕົວສຳຮອງໃນເກມທີ່ ດອດມຸນ ເປີດບ້ານຖະຫລົ່ມ ແຮທາ ເບີລິນ 4-1 ເມື່ອວັນອາທິດທີ່ຜ່ານມາ.

OPTA  ສຳນັກເກັບສະຖິຕິຊື່ດັງເປີດເຜີຍວ່າ ເບລລິງ ແຮມ ເຊິ່ງຖືກສົ່ງລົງມາເປັນຕົວສຳຮອງແທນ ຊາລີ ອອສຄານ ໃນເຄິ່ງຫລັງ ສ້າງສະຖິຕິດັ່ງກ່າວຂຶ້ນມາດ້ວຍອາຍຸພຽງ 19 ປີ ກັບ 235 ວັນເທົ່ານັ້ນ.

ນອກຈາກນີ້ ໄຊຊະນະນັດນີ້ ຍັງເຮັດໃຫ້ ດອດມຸນ ເລື່ອນຂຶ້ນໄປຢູ່ອັນດັບ 2 ໃນຕາຕະລາງບຸນເດສລີກາ ແລະ ມີຄະແນນເທົ່າກັບ ບາເຢິນ ມິວນິກ ແຊ໊ມເກ່ົາ ແລະ ທີມຜູ້ນຳ ຮຽບຮ້ອຍແລ້ວ ໂດຍເປັນຮອງພຽງຜົນຕ່າງປະຕູໄດ້ເສຍເທົ່ານັ້ນ.