ຊຽງຂວາງທຳລາຍສວນຝິ່ນ 10 ຕອນເນື້ອທີ່ ເກືອບ 2 ພັນຕາແມັດ
February 18, 2023 - 9:37 AM
ປກສ ແຂວງຊຽງຂວາງ ລາຍງານໃຫ້ຮູ້ວ່າ: ວັນທີ 15 ກຸມພາ 2023 ທີ່ຜ່ານມາ, ພະແນກກວດກາ ແລະ ຄວບຄຸມຢາເສບຕິດ ຮ່ວມກັບ ພະແນກສະກັດກັ້ນ ແລະ ຕ້ານຢາເສບຕິດກອງບັນຊາການປ້ອງກັນຄວາມສະຫງົບແຂວງຊຽງຂວາງ ສົມທົບກັບ ກອງບັນຊາການປ້ອງກັນຄວາມສະຫງົບເມືອງພູກູດ ແລະ ພາກສ່ວນທີ່ກ່ຽວຂ້ອງໄດ້ລົງທຳລາຍສວນຢາຝິ່ນທີ່ປະຊາຊົນລັກລອບປູກຢູ່ບ້ານໜອງກາງ, ບ້ານມາງ, ບ້ານເຊລອງຕັ່ງ ເມືອງພູກູດ ແຂວງຊຽງຂວາງ, ຈຳນວນ 10 ຕອນ, ເນື້ອທີ່ປະມານ 1.720 ຕາແມັດ. ພ້ອມທັງໄດ້ນຳຕົວຜູ້ທີ່ລັກລອບປູກຝິ່ນມາສຶກສາອົບຮົມກ່າວເຕືອນ ແລະ ຊີ້ແຈງຜົນຮ້າຍໄພອັນຕະລາຍຂອງຢາຝິ່ນໃຫ້ປະຊາຊົນທີ່ລັກລອບປູກໄດ້ຮັບຮູ້ ແລະ ເຂົ້າໃຈ.
ພ້ອມນີ້ ຮຽກຮ້ອງມາຍັງທຸກພາກສ່ວນໃນສັງຄົມໃຫ້ຢຸດຕິການປູກຝິ່ນ, ຫັນມາປູກພືດທີ່ເປັນສິນຄ້າ, ຖ້າຫານພົບເຫັນບຸກຄົນໃດລັກລອບ ປູກຝິ່ນ ລື ຄ້າຂາຍຢາເສບຕິດ ໃຫ້ລາຍງານຕໍ່ເຈົ້າໜາ້ທີ່ ເພື່ອນຳຕົວຜູ້ກະທຳຜິດ ມາລົງໂທດຕາມລະບຽບກົດໝາຍ.
