ອາເຊນອລ ຖືກເອຟເອສັ່ງສອບສວນກໍລະນີ ແຟນບານຂວ້າງສິ່ງຂອງໃສ່ ເຄວິນ ເດິບຣອຍ

ອາເຊນອລ ຖືກ ເອຟເອ ສັ່ງສອບສວນກໍລະນີແຟນບານຂວ້າງບານໃສ່ ເຄວິນ ເດິບຣອຍ ກອງກາງແມນເຊສເຕີ ຊິຕີ ລະຫວ່າງ ເກມໃຫຍ່ທີ່ ສະໜາມ ເອມິເຣສ ແລ້ວ.

ສະມາຄົມບານເຕະອັງກິດ (FA) ສັ່ງໃຫ້ມີການສອບສວນເຫດການທີ່ແຟນບານຂອງອາເຊນອລ ລະດົມຂວ້າງສິ່ງຂອງໃສ່ ເຄວິນ ເດິ ບຣອຍ ກອງກາງຕົວເກ່ັງຂອງ ແມນເຊສເຕີ ຢູໄນເຕັດ ລະຫວ່າງເກມພຣີເມຍລີກ ນັດທີ ແມນຊິຕີ ບຸກໄປຊະນະ ອາເຊນອລ ເຖິງຖິ່ນ ເອມີເຣສ 3-1 ເມື່ອວັນພຸດທີ່ຜ່ານມາແລ້ວ.

ເຫດການດັ່ງກ່າວເກີດຂຶ້ນຂະນະທີ່ ເດິ ບຣອຍ ພວມເດີນອອກຈາກສະໜາມ ຫລັງຖືກປ່ຽນຕົວໃນນາທີທີ 87 ໂດຍມີວີດີໂອ ທີ່ລາວຕ້ອງຫລົບຈອກ ທີ່ຖືກຂວ້າງລົງມາຈາກອັດສະຈັນ ຖືກແຊໄປທົ່ວໂລກອອນລາຍຮ້ອນເຖິງ ເອຟເອ ທີ່ຕ້ອງສັ່ງໃຫ້ດຳ ເນີນການສອບສວນດັ່ງກ່າວ.

ສ່ວນ ອາເຊນອລ ກໍບໍ່ໄດ້ຢູ່ລ້າໆ ໂດຍຢືນຢັນວ່າ ພວກເຂົາພວມກວດສອບພາບເຫດການຈາກກ້ອງວົງຈອນປິດ ແລະ ຈະງັດເອົາມາດຕະການຂັ້ນເດັດຂາດມາໃຊ້ຢ່າງແນ່ນອນຫາກສາມາດຫາຕົວຜູ້ກະທຳຄວາມຜິດຄັ້ງນີ້ໄດ້.

ສ່ວນ ເດິ ບຣອຍ ກໍໄດ້ໂພສພາບຂະນະທີ່ຕົວເອງພວມຍ່າງອອກຈາກສະໜາມລົງໃນອິນສະຕາແກຣມ ພ້ອມໃສ່ຄຳບັນຍາຍ ເອົາໄວ້ແບບຕິດຕະຫລົກວ່າ “ ມີເບຍບໍ່ ” ຂະນະທີ່ອີກພາບເປັນຕອນທີ່ຕົວລາວພວມກົ້ມຫລົບຈອກທີ່ຖືກ ຂວ້າງລົງມາພ້ອມຄຳບັນຍາຍວ່າ.