ລັດຖະມົນຕີແຮງງານເຂົ້າຮ່ວມກອງປະຊຸມສະໄໝພິເສດຂອງລັດຖະຕີແຮງງານອາຊຽນຢູ່ສິງກະໂປ
ກອງປະຊຸມສະໄໝພິເສດຂອງລັດຖະມົນຕີແຮງງານອາຊຽນ ເພື່ອປຶກສາ ຫາລື, ຮັບຮອງ ແລະ ລົງນາມຖະແຫຼງການຮ່ວມ ວ່າດ້ວຍການປັບປຸງວຽກ ສຸຂະພາບ ແລະ ຄວາມປອດໄພແຮງງານໃນສະຖານທີ່ເຮັດວຽກ ສໍາລັບການ ພັດທະນາແບບຍືນຍົງ, ເຊິ່ງໄດ້ຈັດຂື້ນຢູ່ປະເທດສິງກະໂປ ໃນວັນທີ 3 ກັນຍາ ນີ້, ຄະນະຜູ້ແທນລາວນຳໂດຍທ່ານ ຄຳແພງ ໄຊສົມແພງ ລັດຖະມົນຕີກະ ຊວງແຮງງານ ແລະ ສະຫວັດດີການສັງຄົມ, ຊຶ່ງໄດ້ຈັດຂື້ນຄູ່ຂະໜານກັບກອງ ປະຊຸມສະມັດຊາໃຫຍ່ຂອງໂລກຄັ້ງທີ XXI ວ່າດ້ວຍສຸຂະພາບ ແລະ ຄວາມ ປອດໄພແຮງງານໃນສະຖານທີ່ເຮັດວຽກ, ໃນວັນທີ 3-6 ກັນຍາ ນີ້, ທີ່ປະເທດສິງກະໂປເຊັ່ນກັນ.
ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ກ່າວວ່າ: “ວຽກປ້ອງກັນສຸຂະພາບ ແລະ ຄວາມປອດໄພແຮງງານແມ່ນເປັນວຽກໜຶ່ງຂອງ ພື້ນຖານສິດທິມະນຸດ, ສະພາບແວດລ້ອມທີ່ດີໃນສະຖານທີ່ເຮັດວຽກ, ເຮັດໃຫ້ ແຮງງານປອດໄພ ແລະ ມີສຸະພາບແຂງແຮງ, ເຊິ່ງເປັນເງື່ອນໄຂໃຫ້ແກ່ຜະ ລິດຕະພາບແຮງງານ, ການດູແລເບິ່ງແຍງ ແລະ ຍົກສູງຄຸນນະພາບຊີວິດ ຂອງແຮງງານ, ປະກອບສ່ວນເຂົ້າໃນການຫຼຸດຜ່ອນຄວາມທຸກຍາກ ແລະ ການພັດທະນາເສດຖະກິດສັງຄົມແຫ່ງຊາດ”. ການລົງນາມໃນຖະແຫຼງການ ຮ່ວມຄັ້ງປະຖົມມະລຶກຂອງອາຊຽນ ວ່າດ້ວຍການປັບປຸງວຽກສຸຂະພາບ ແລະ ຄວາມປອດໄພແຮງງານໃນສະຖານທີ່ເຮັດວຽກ ສຳລັບການເຕີບໂຕແບບຢືນຍົງ ແມ່ນສະແດງເຖິງຄວາມເອົາໃຈໃສ່ຂອງລັດຖະມົນຕີແຮງງານອາຊຽນຕໍ່ກັບການປັບປຸງວຽກສຸຂະພາບ ແລະ ຄວາມປອດໄພແຮງງານທີ່ສອດຄ່ອງກັບວິໄສທັດ ປະຊາຄົມວັດທະນະທໍາ-ສັງຄົມອາຊຽນ 2025 ເພື່ອເຮັດໃຫ້ປະຊາຊົນອາຊຽນ ໄດ້ຮັບຜົນປະໂຫຍດ, ການມີສ່ວນຮ່ວມ, ຄວາມຍືນຍົງ ແລະ ມີຄວາມເຂັ້ມ ແຂງ; ແຜນງານລັດຖະມົນຕີແຮງງານອາຊຽນ 2020, ແຜນປະຕິດບັດງານອາ ຊຽນ-ໂອສະເນັດ 2016-2020 ແລະ ເປົ້າໝາຍການພັດທະນາແບບຢືນຍົງ ຂອງສາກົນ 2030. ພ້ອມດຽວກັນທ່ານຍັງໄດ້ມອບເອກະສານຖະແຫຼງການ ຮ່ວມໃຫ້ແກ່ ທ່ານ ເລ ເລືອງ ມິງ ເລຂາທິການໃຫຍ່ອາຊຽນ.
ຂະນະດຽວກັນ, ທ່ານລັດຖະມົນຕີກະຊວງແຮງງານ ແລະ ສະຫວັດດີ ການສັງຄົມ, ທັງເປັນປະທານກອງປະຊຸມລັດຖະມົນຕີແຮງງາອາຊຽນ ໄດ້ເຂົ້າຮ່ວມພິທີເປີດກອງປະຊຸມສະມັດຊາໃຫຍ່ຂອງໂລກຢ່າງເປັນທາງການ, ເຊິ່ງ ໄດ້ຮັບກຽດກ່າວເປີດໂດຍທ່ານ ລີຊຽນລຸ່ງ (Lee Hsien Loong) ນາຍົກລັດ ຖະມົນຕີແຫ່ງສາທາລະນະລັດສິງກະໂປ. ພ້ອມນັ້ນ, ຍັງໄດ້ພົບປະສອງ ຝ່າຍກັບທ່ານ ລີມ ສະວີເຊ ລັດຖະມົນຕີກະຊວງແຮງງານສິງກະໂປ, ເພື່ອ ປຶກສາຫາລືການຮ່ວມມືວຽກພັດທະນາສີມືແຮງງານ, ໂດຍສະເພາະການຝຶກອົບ ຮົມຄູຝຶກ ແລະ ໄດ້ພົບປະຮອງລັດຖະມົນຕີຄວາມປອດໄພແຮງງານຂອງ ສປ ຈີນ, ເພື່ອປຶກສາຫາລືການຮ່ວມມືດ້ານວຽກງານປະກັນສຸຂະພາບ ແລະ ຄວາມປອດໄພແຮງງານ.
