ຣຽວ ມາດຣິດ ຍື່ນຄຳຂາດ ໂມດຣິດ ຕ້ອງລາທີມຊາດ ຫາກຈະຕໍ່ສັນຍາໃຫມ່

ລູກ້າ ໂມດຣິດ ກອງກາງຄົນເກັ່ງທີມຊາດ ໂຄຣເອເຊຍ ຕ້ອງຄິດໜັກສົມຄວນ ຫລັງຖືກ ຣຽວ ມາດຣິດ ຍື່ນຄຳຂາດໃຫ້ອຳລາທີມຊາດໂຄຣເອເຊຍ ຫາກຫວັງຈະຕໍ່ສັນຍາໃຫມ່ໃນ ເບນາເບລ.

ລູກາ ໂມດຣິດ ກອງກາງປະສົບການຫລາຍຂອງ ຣຽວ ມາດຣິດ ທີມໃຫຍ່ແຫ່ງ ລາ ລີກາ ສະເປນ ຕ້ອງຄິດຫນັກ ເມື່ອ ຣຽວ ມາດຣິດ ຍື່ນຄຳຂາດໃຫ້ເລີກຫລິ້ນ ທີມຊາດ ຫາກຫວັງຈະໄດ້ຮັບສັນຍາສະບັບໃຫມ່ໃນຖິ່ນ ຊານຕີອາໂກ ເບນາເບລ.

ສັນຍາກັບ ຣຽວ ມາດຣິດ ຫລັງຈົບລະດູການນີ້ ໂດຍເຖິງວ່າລາວ ແລະ ຣຽວ ມາດຣິດ ຈະຍັງຢາກຮ່ວມງານກັນຕໍ່ໄປ ແຕ່ທັງສອງຝ່າຍອາດຈະບໍ່ສາມາດບັນ ລຸຂໍ້ຕົກລົງກັນໄດ້ງ່າຍໆ ຫລັງ ເດລີ ເມລ ສື່ໃນອັງກິດ ລາຍງານວ່າ ຣຽວ ມາດຣິດ ຍື່ນຄຳຂາດໃຫ້ ດາວເຕະອາຍຸ 37 ປີ ປະກາດອຳລາທີມຊາດກ່ອນ ຈຶ່ງຈະຍອມສະເໜີສັນຍາສະບັບໃຫມ່ໃຫ້.

ກ່ອນໜ້ານີ້ ໂມດຣິດ ເຄີຍອອກມາໃຫ້ສຳພາດຫລັງຈົບບານໂລກ 2022 ວ່າ ພ້ອມຈະຮັບໃຊ້ທີມຊາດຕໍ່ໄປຈົນກວ່າຈະບໍ່ເປັນທີ່ຕ້ອງການ ຂະນະທີ່ ສະລັດໂກ ດາລິສ ຜູ້ຈັດການທີມຊາດໂຄຣເອເຊຍ ກໍຢືນຢັນແລ້ວເຊັ່ນດຽວກັນວ່າ ຕ້ອງການໃຫ້ ກອງກາງຮ່າງນ້ອຍຢູ່ຊ່ວຍທີມຕໍ່ໄປ ໂດຍພ້ອມຈະຮັບໃຊ້ຊາດໃນ ການແຂ່ງຂັນ ເນຊັນ ລີກ ໄຟນອລ ໃນໄລຍະລະດູການນີ້ນຳອີກ.