ສື່ຢືນຢັນ ມາຕີເນລລີ ຕົກລົງສັນຍາໃຫມ່ ອາເຊນອລ ຍາວເຖິງ 2027
February 3, 2023 - 8:19 PM
ລາຍການຈາກສື່ອັງກິດລະບຸ ກາບຣຽລ ມາຕິເນລລີ ກອງໜ້າທີມຊາດບຣາຊິລຂອງອາເຊນອລ ຕົກລົງຕໍ່ສັນຍາໃຫມ່ກັບທີມແລ້ວຈົນເຖິງກາງປີ 2027.
ກອງໜ້າທີມຊາດບຣາຊິລ ອາຍຸ 21 ປີ ມີສັນຍາກັບສະໂມສອນຈົນເຖິງກາງປີ 2024 (ບໍ່ລວມຕົວເລືອກຂະຫຍາຍສັນຍາເພີ່ມສອງປີ) ແຕ່ລາວກາຍເປັນນັກ ເຕະສຳຄັນຂອງທີມໄປຮຽບຮ້ອຍແລ້ວ ໂດຍໃນລະດູການນີ້ລາວລົງຫລິ້ນໄປທັງຫມົດ 27 ເກມ ເຮັດໄປ 7 ປະຕູ ຫລັງຈາກຍ້າຍມາຮ່ວມທີມໃນປີ 2019 ຈາກສະໂມສອນອິຕົວໂນ ສະໂມສອນໃນບຣາຊິລ.
ສັນຍາໃຫມ່ຂອງລາວຍັງບໍ່ມີການລະບຸຄ່າເມື່ອຍຕໍ່ອາທິດອອກມາ ແຕ່ໄລຍະຂອງສັນຍາມີການຂະຫຍາຍອອກໄປຈົນເຖິງກາງປີ 2027 ໂດຍ ມາຕີເນລລີ ລົງຫລິ້ນໄປທັງຫມົດ 76 ເກມກັບອາເຊນອລ.
ຕໍ່ຈາກນີ້ ອາເຊນອລ ຈະເດີນໜ້າເຕັມຕົວໃນການຕົກລົງສັນຍາກັບ ບູຄາໂຢ ຊາກ້າ ແລະ ວິລລຽມ ຊາລີບາ ສອງຕົວຫລັກເຊິ່ງຈະຫມົດສັນຍາກັບທີມ ໃນໄລຍະກາງປີ 2024 ນີ້.
