ເຊລຊີ ບັນລຸຂໍ້ຕົກລົງຄວ້າ ມາໂລ ກຸສໂຕ ກອງຫລັງດາວຮຸ່ງຂອງ ໂອລິມປິກ ລີຢົງ

ເຊລຊີ ຍັງເດີນໜ້າໃຊ້ເງິນຊື້ນັກເຕະຢ່າງຕໍ່ເນື່ອງ ຫລ້າສຸດບັນລຸໃນການຄວ້າ ມາໂລ ກຸສໂຕ ກອງຫລັງດາວຮ່ງໂອລິມປິກ ລີຢົງ ກ່ອນປ່ອຍໃຫ້ທີມເກ່ົ່າຢືມ ໃຊ້ງານຕໍ່ຈົນຈົບລະດູການ.

ເຊລຊີ ທີມແຫ່ງການແຂ່ງຂັນພຣີເມຍລີກ ອັງກິດ ຍັງເດີນໜ້າເສີມທີມຢ່າງຕໍ່ເນື່ອງ ຫລ້າສຸດບັນລຸຂໍ້ຕົກລົງຊື້ ມາໂລ ກຸສໂຕ ກອງຫລັງດາວຮຸ່ງຈາກໂອລິມ ປິກ ລີຢົງ ທີມແຫ່ງລີກ ເອິງ ຝຣັ່ງ ດ້ວຍຄ່າຕົວ 26,3 ລ້ານປອນ ຕົກລົງເຊັນສັນຍາຈົນເຖິງປີ 2030 ແລະ ເຊລຊີ ປ່ອຍໃຫ້ລີຢົງຢືມໃຊ້ງານຕໍ່ຈົນຈົບລະ ດູການ.

ຖະແຫລງການຈາກເຊລຊີ ລະບຸວ່າ : “ ກອງຫລັງລາຍນີ້ຈະດຳເນີນການພັດທະນາຕົວເອງຕໍ່ດ້ວຍສັນຍາຢືມຕົວກັບ ລີຢົງ ກ່ອນຈະຍ້າຍມາ ເຊລຊີ ເມື່ອລະດູການນີ້ ”.

ຂະນະທີ່ ລີຢົງ ເປີດເຜີຍວ່າທາງສະໂມສອນຮູ້ສຶກເສຍໃຈທີ່ບໍ່ສາມາດດຶງຕົວດາວຮຸ່ງຈາກລະບົບເຍົາວະຊົນຂອງສະໂມສອນໄວ້ໄດ້ ແຕ່ກໍມີຄວາມສຸກທີ່ ກຸສໂຕ ໄດ້ຢູ່ກັບທີມຕໍ່ໄປຈົນຈົບລະດູການ.

ກຸສໂຕ ອາຍຸ 19 ປີ ກ້າວຂຶ້ນມາຈາກລະບົບເຍົາວະຊົນຂອງ ລີຢົງ ຊຸດໃຫຍ່ຕັ້ງແຕ່ປີ 2021 ກ່ອນຈະກາຍເປັນກຳລັງສຳຄັນຂອງທີມ ຫລົງຫລິ້ນໃນລະດູ ການນີ້ໄປແລ້ວ 15 ນັດ ນອກຈາກນີ້ ລາວຍັງຕິດທີມຊາດຝຣັ່ງຊຸດເຍົາວະຊົນມາແລ້ວຫລາຍລະດັບ.