ສະເປີ ບຸກລົວເຄິ່ງຫລັງໃສ່ ເປສຕັນ ເອົາຊະນະ 3-0 ຜ່ານເຂົ້າຮອບ 16 ທີມ ໄດ້ສຳເລັດ

ການແຂ່ງຂັນ ເອຟເອ ຄັບ ຮອບທີ 4 ໃນວັນເສົາທີ 28 ມັງກອນຜ່ານມາ, ທີມ ເປສຕັນ ໃນເດີແຊ້ມປຽນຊິບ ເປີດບ້ານຮັບການມາຢາມຂອງ ທັອດແນມ ຮັອດສະເປີ ທີມດັງຈາກ ພຣີເມຍລີກ ໃນເຄິ່ງທໍາອິດ “ໄກ່ເດືອຍທອງ” ທີມຢາມທີ່ເປີດເກມບຸກໄດ້ຫລາຍກວ່າ ແຕ່ຍັງບໍ່ເຈາະປະຕູບໍ່ເຂົ້າ ຈົບ 45 ນາທີທຳອິດ ຍັງສະເໝີກັນ 0-0.

ເຂົ້າສູ່ເຄິ່ງເວລາທີ່ສອງ “ໄກ່ເດືອຍທອງ” ເດີນໜ້າບຸກເຂົ້າໄປຢ່າງໜັກ ກ່ອນທີ່ຈະຍິງໄດ້ 3 ປະຕູຕິດຕໍ່ກັນ ຈາກ ຊອນ ເຮຶອງ-ມິນ 2 ປະຕູໃນນາທີ 50 ແລະ 69 ກ່ອນທີ່ຈະມາໄດ້ປະຕູປິດເກມຈາກ ອາໂນດ ແດນຈູມາ ກອງໜ້າຄົນໃໝ່ ນາທີ 87 ຈົບເກມ ສະເປີ ຊະນະ 3-0 ແລະ ຜ່ານເຂົ້າຮອບ 16 ທີມສຸດທ້າຍ.