ອາດີດາສ ເປີດຕົວ OCEAUNZ ບານເຕະ ຟີຟາ ວີເມນ ເວີນ ຄັບ
ອາດີດາສ ເປີດຕົວ OCEAUNZ ບານເຕະທີ່ໃຊ້ໃນການແຂ່ງຂັນ FIFA WOMEN’s WORLD CUP ຢ່າງເປັນທາງການ ທີ່ປະເທດອອສເຕຣເລຍ ແລະ ນິວຊີແລນ ເຊິ່ງ ບານດັ່ງກ່າວຖືເປັນບານລຳດັບທີ 9 ທີ່ອາດີດາສໄດ້ສ້າງສັນຂຶ້ນສຳລັບການແຂ່ງຂັນບານເຕະຍິງຊີງແຊ໊ມໂລກ ທີ່ມາພ້ອມກັບການອອກ ແບບເພື່ອຕອບຮັບຮູບແບບການຫລິ້ນ ແລະ ຄວາມວ່ອງໄວຂອງການແຂ່ງຂັນບານເຕະຍຸກປັດຈຸບັນ ໂດຍການແຂ່ງຂັນ FIFA WOMEN’s WORLD CUP ຈະເປີດປະເດີມນັດທຳອິດດ້ວຍການແຂ່ງຂັນຂອງທີມເຈົ້າພາບຄື ນິວຊີແລນ ພົບກັບທີມຊາດ ນໍເວ ໃນວັນທີ 20 ກໍລະກົດ 2023 ແລະ ສິ້ນສຸດ ການແຂ່ງຂັນຮອບຊີງຊະນະເລີດໃນວັນທີ 20 ສິງຫາ 2023.
ບານ OCEAUNZ ໂດດເດ່ັນດ້ວຍພື້ນຜິວສີຂາວມຸກ ພ້ອມແຕ່ງແຕ້ມລາຍກຣາຟຟິກສີຟ້າ ແລະ ຂຽວ ທີ່ໄດ້ຮັບແຮງບັນດານໃຈມາຈາກພູມມິປະ ເທດອັນງົດງາມຕາມທຳມະຊາດຂອງປະເທດອອສເຕຣເລຍ ທີ່ປະສານເຂົ້າກັບວິວທິວທັດຂອງແລວເຂົາອັນກວ້າງໃຫຍ່ຂອງປະເທດນິວຊີແລນ ໂດຍມີມະຫາສະມຸດອິນເດຍທີ່ເຊື່ອມໂຍງສອງປະເທດເຂົ້າໄວ້ດ້ວຍກັນ ເຊິ່ງໃນໜ່ວຍບານຍັງມີການພິມຊື່ຫຍໍ້ຂອງປະເທດເຈົ້າາບ ພ້ອມເສີມແຕ່ງລວດ ລາຍທີ່ສະທ້ອນເຖິງວັດທະນະທຳຂອງແຕ່ລະປະເທດ ທີ່ອອກແບບໂດຍສິລະປິນທ້ອງຖິ່ນຊື່ດັງ ເຊ່ັນ ເຊີນີ ຊັດຕັນ ຈາກອອສເຕຣເລຍ ແລະ ຟີໂອນ່າ ຄອລລິສ ຈາກນິວຊີແລນ ລວມເຖິງຍັງໄດ້ສອດແຊກອົງປະເທດພາບຂອງກິລາບານເຕະ ຢ່າງ ໜ່ວຍບານ ແລະ ປະຕູບານເຕະ ເຂົ້າໄວ້ນຳອີກ.
ຟຣານຊິສກ້າ ລອຟເຟລມັນ ຜູ້ອຳນວຍການຝ່າຍອອກແບບກຣາຟຟິກບານເຕະຂອງອາດີດາສ ກ່າວວ່າ : “ ຈາກຈຳນວນຍອດຊົມການແຂ່ງຂັນ ບານເຕະຍິງຊີງແຊ໊ມແຫ່ງຊາດຢູໂຣບເມື່ອປີຜ່ານມາ ເຮັດໃຫ້ເຮົາຄາດວຫວັງເຖິງຄວາມຍິ່ງໃຫຍ່ທີ່ເກີດຂຶ້ນໃນການແຂ່ງຂັນບານເຕະ ຍິງຊີງແຊ໊ມ ໂລກທີ່ຈະມາເຖິງ ພ້ອມທັງຍັງຮູ້ສຶກຍິນດີເປັນຢ່າງຍິ່ງທີ່ຈະໄດ້ເຫັນການແຂ່ງຂັນບານຍິງໄດ້ຮັບການຍົກລະດັບຂຶ້ນໄປອີກຂັ້ນ ໂດຍອາດີດາສໄດ້ສ້າງສັນ ບານເຕະສຳລັບການແຂ່ງຂັນຢ່າງເປັນທາງການທີ່ອັດແໜ້ນໄປດ້ວຍນະວັດຕະກຳອັນລຳ້ສຳໄຫມເພື່ອໃຫ້ພ້ອມຮັບມືກັບຄວາມໄວຂອງນັກເຕະ ແລະ ຮູບແບບການຫລິ້ນຂອງບານເຕະສະໄຫມໃຫມ່ ໂດຍເສັ້ນສາຍການອອກແບບຄັ້ງນີ້ ໄດ້ສະທ້ອນໃຫ້ເຫັນເຖິງຄວາມສວຍງາມຕາມທຳມະ ຊາດຂອງພູມມິປະເທດເຈົ້າພາບ ”.
ໜ່ວຍບານ OCEAUNZ ມາພ້ອມກັບເທັກໂນໂລຊີ Connected Ball ເຊັ່ນດຽວກັບທີ່ໃຊ້ໃນບານເຕະຢ່າງເປັນທາງການສຳລັບການແຂ່ງຂັນບານໂລກ 2022 ເພື່ອເຈົ້າໜ້າທີ່ຈັດການແຂ່ງຂັນໄດ້ຮັບຂໍ້ມູນການຕິດຕາມບານໄດ້ຢ່າງແນ່ນອນ ແລະ ທັນເວລາ ເຊິ່ງຈາກການລວບລວມຂໍ້ມູນຕຳແໜ່ງນັກເຕະ ເຂົ້າກັບເທັນໂນໂລຊີດັ່ງກ່າວຈະຊ່ວຍໃຫ້ທີມ Video Assistant Referees ຫລື VAR ສາມາດເຮັດການຕັດສິນໃຈໄດ້ຢ່າງມີປະສິດທິພາບຫລາຍຍິ່ງຂຶ້ນ ນອກຈາກນີ້ ດ້ວຍການນຳຂໍ້ມູນການຕິດຕາມບານເຕະທີ່ເຊັນເຊີພາຍໃນຈັບໄວ້ໄດ້ ມາລວມກັບການໃຊ້ປັນຍາປະດິດ (AI) ຈຶ່ງເຮັດໃຫ້ເທັກໂນໂລຢີ Connected Ball ສາມາດເຮັດໜ້າທີ່ແຈ້ງເຕືອນການລ້ຳໜ້າອັດຕະໂນມັດໃຫ້ກັບທີມ VAR ໄດ້ນຳອີກ.
ສຳລັບໜ່ວຍບານ OCEAUNZ Pro ແລະໜ່ວຍບານສຳລັບແຂ່ງຂັນ OCEAUNZ ວາງຈຳໜ່ວຍແລ້ວມື້ນີ້ ໃນລາຄາ 2,000,000 ກີບ ແລະ 1,100,000 ກີບ ຕາມລຳດັບ ທີ່ ອາດີດາສ ແບຣນ ເຊັນເຕີ, ອາດິດາສ ສະປອດ ເພີຟໍແມັນ, ອາຣິ ຟຸດບອລ, ອາດີດາສ ແອບພລີເຄຊັນ, ອາດີດາສ ອອນລາຍ.
