ເວກຮອສ ຍິງປະຕູທຳອິດ ພາ ແມນຢູ ຊະນະ ຟໍເຣສ 3-0 ຄາຣາບາວ ຄັບ

ແມນເຊັສເຕີ ຢູໄນເຕັດ ເກັບໄຊຊະນະໄດ້ຕາມເປົ້າຫລັງຍົກທີມໄປຢາມ ນໍຕິງແຮັມ ຟໍເຣສ 3-0 ໃນການແຂ່ງຂັນ ຄາຣາບາວ ຄັບ ຮອບຮອງຊະນະເລີດ ນັດທີ 1 ເມື່ອຄືນວັນທີ 25 ມັງກອນ ທີ່ຜ່ານມາ.

ເກມນັດທໍາອິດທີ່ສະໜາມ ຊິຕີ້ ກຣາວ “ຜີສາດແດງ” ໄດ້ປະຕູຂຶ້ນນໍາໃນນາທີ 6 ຈາກ ມາຄັສ ແຣສຟອດ ດຶງໜີຄູ່ແຂ່ງໄປເຄິ່ງສະໜາມຍິງຂຶ້ນນໍາ 1-0, ຂະນະທີ່ ໃນນາທີ 45 ວູດ ເວດຮອສ ກອງໜ້າຄົນໃໝ່ ມາຊ່ວຍຊ້ຳລູກຍິງຂອງ ອັນໂຕນີ ເປັນ 2-0 ແລະ ຖືວ່າເປັນປະຕູທຳອິດຂອງລາວໃນສີເສື້ອຂອງແມນຢູ.

ຈາກນັ້ນ ເຄິ່ງເວລາທີ 2 ມາຮອດນາທີ 89 ບຣູໂນ ເຟີນານເດສ ແລ່ນເຂົ້າໄປຍິງຕື່ມປິດກ່ອງໃຫ້ ແມນເຊັສເຕີ ຢູໄນເຕັດ ຊະນະນັດທໍາອິດໄປກ່ອນ 3-0, ຕໍ່ໄປຈະພົບກັນອີກຄັ້ງນັດທີສອງທີ່ ໂອ ແທຣັບຟອດ ໃນວັນທີ 1 ກຸມພາເພື່ອກໍານົດຜູ້ຊະນະເຂົ້າຮອບຊີງຊະນະເລີດຕໍ່ໄປ.