ສາລະວັນ ຫ້າມເດັດຂາດ ບໍ່ໃຫ້ມີບໍລິການສັງວຽນຕີໄກ່ ເລີ່ມມີຜົນວັນທີ 1 ກຸມພາ 2023

ວັນທີ 23 ມັງກອນ 2023 ນີ້ ຮອງເຈົ້າແຂວງສາລະວັນອອກແຈ້ງການ ເຖິງ ທຸກໆພາກສ່ວນເລື່ອງ ຫ້າມໃຫ້ບໍລິການສັງວຽນໄກ່ຕີ ທົ່ວແຂວງສາລະວັນ. ໂດຍອີງຕາມ ກົດໝາຍ ວ່າດ້ວຍການປົກດອງທ້ອງຖິ່ນ ສະບັບເລກທີ 68/ສພຊ, ລົງວັນທີ 14 ທັນວາ 2015. ອີງງຕາມ ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 7 ສະໄໝທີ IX ອີງຕາມ ທັງມືສະເໜີຂອງພະແນກສຶກສາທິການ ແລະ ກິລາແຂວງ ສະບັບເລກທີ 23/ຈຂ.ນວ, ລົງວັນທີ 16 ມັງກອນ 2023

1.  ຫ້າມຜູ້ປະກອບການສົ່ງວຽນໄກ່ຕີ ໃຫ້ບໍລິການ ໃນທົ່ວແຂວງສາລະວັນ (ທັງທີ່ອະນຸຍາດ ແລະ ບໍ່ ອະນຸບາດ) ເລີ່ມຈັດຕັ້ງປະຕິບັດ ນັບແຕ່ວັນທີ 1 ກຸມພາ 2023 ເປັນຕົ້ນໄປ,
2. ຖ້າຫາກບຸກຄົນ ນິຕິບຸກຄົນໃດ ຫາກລະເມີນແຈ້ງການສະບັບນີ້ ມອບໃຫ້ເຈົ້າຫນ້າທີ່ ພາກສ່ວນ ກ່ຽວຂ້ອງກ່າວຕັກເຕືອນ, ເຮັດບົດບັນທຶກສຶກສາອົບຮົມຜູ້ກ່ຽວ, ຫາກຍັງຜ່ານຜົນແມ່ນໃຫ້ດໍາເນີນການປັບໃຫມ່ ແລະ ປະຕິບັຕຕາມລະບຽບກົດໝາຍຢ່າງເຂັ້ມງວດ.
3. ການຈັດຕັ້ງປະຕິບັດ

– ມອບໃຫ້ອົງການປົກຄອງເມືອງ ປະສານສົມທົບກັບເຈົ້າຫນ້າທີ່ກ່ຽວຂ້ອງ ແຕ່ງຕັ້ງຄະນະກໍາມະການ ຕິດຕາມ, ກວດກາ ຢ່າງເປັນປົກກະຕິ ແລະ ຕໍ່ເນື່ອງ.

– ມອບໃຫ້ພະແນກສຶກສາທິການ ແລະ ກິລາແຂວງ ເປັນໃຈກາງຕິດຕາມສັງລວມລາຍງານ ມາຍັງຂັ້ນເທິງຮັບຊາບການຈັດຕັ້ງປະຕິບັດ.

ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດດວ້ຍ.