ອາເຊນອລ ໃກ້ຈະໄດ້ ທຣອສຊາ ເສີມກອງໜ້າ

ອາເຊນອລ ໃກ້ຈະໄດ້ ເລອັນໂດຣ ທຣອສຊາ ປີກຕົວເກ່ັງຂອງ ໄບຣຕັນ ເສີມກອງໜ້າ ຫລັງ ຟາບຣີຊີໂອ ໂຣມາໂນ ເຜີຍການເຈລະຈາມີຄວາມຄືບໜ້າ ໄປຫລາຍແລ້ວ.

ອາເຊນອລ ທີມຜູ້ນຳພຣີເມຍ ອັງກິດ ກຽມເສີມຄົມອີກເທື່ອຫນຶ່ງ ຫລັງມີລາຍງານວ່າ ພວມເດີນໜ້າເຈລະຈາເພື່ອຂໍຊື້ ເລອັນໂດຣ ທຣອສຊາ ປີກຕົວເກ່ັງ ຂອງ ໄບຣຕັນ ແອນ ໂຮຟ ອັລບຽນ ມາເສີມກອງໜ້າແລ້ວ.

ຟາບຣີຊີໂອ ໂຣມາໂນ ຜູ້ຊ່ຽວຊານດ້ານຕະຫລາດບານເຕະ ເປີດເຜີຍວ່າ ການເຈລະຈາລະຫວ່າງ ອາເຊນອລ ແລະ ໄບຣຕັນ ມີຄວາມຄືບໜ້າໄປຫລາຍແລ້ວ ໂດຍໜ້າຈະມີການຍື່ນຂໍ້ສະເໜີຢ່າງເປັນທາງການໃນມື້ນີ້ ແລະ ອາເຊນອລ ຍັງສາມາດບັນລຸຂໍ້ຕົກລົງສ່ວນຕົວກັບ ທຣອສຊາ ໄດ້ແລ້ວນຳອີກ.

ທັງນີ້ ທຣອສຊາ ອາຍຸ 28 ປີ ຕົກເປັນຂ່າວເລື່ອງການຍ້າຍສັງກັດຢ່າງຕໍ່ເນື່ອງ ຫລັງມີບັນຫາກັບ ໂຣແບໂຕ ເດ ແຊບີ ຜູ້ຈັດການທີມ ໄບຣຕັນ ເຊິ່ງບໍ່ມີ ຄວາມສຸກກັບ ທັດສະນະຄະຕິ ຂອງລາວ ຈົນບໍ່ມີຊື່ຢູ່ໃນເກມ 2 ນັດຫລັງສຸດກັບ ມິດເດິລສະໂບ ແລະ ລີເວີພູລ.