ອາເຊນອລ ພ້ອມທ່າຄ່າຕົວສະຖິຕິສະໂມສອນຫວັງຄວ້າ ເດແຄລນ ໄຣ ຮ່ວມທີມ

ອາເຊນອລ ຕົກເປັນຂ່າວວາງເປົ້າ ເດແຄລນ ໄຣ ກອງກາງ ເວສແຮມ ຢູໄນເຕັດ ໄວ້ເປັນເປົ້າຫມາຍຫລັກໃນການເສີມທີມໄລຍະຕະຫລາດລະດູການໜ້າ ພ້ອມລົງທຶນລະດັບສະຖິຕິສະໂມສອນ.

ສຳລັບ ໄຣ ສະແດງຜົນງານໄດ້ຢ່າງໂດດເດ່ັນກັບ ເວສແຮມ ມາຢ່າງຍາວນານດ້ວຍສະຖິຕິລົງສະໜາມ 220 ນັດທຸກລາຍການເຮັດໄດ້ 11 ປະຕູກັບ 13 ແອສຊິສ ພ້ອມເຮັດໜ້າທີ່ເປັນຫົວໜ້າທີມຂອງ ເວສແຮມ ຢູ່ໃນປັດຈຸບັນ.

ຈາກຜົນງານທີ່ເກີດຂຶ້ນເຮັດໃຫ້ມີຂ່າວວ່າຫລາຍສະໂມສອນຮ່ວມເສິກພຣີເມຍລີກ ທັງ ເຊລຊີ, ອາເຊນອລ ແລະ ແມນເຊສເຕີ ຢູໄນເຕັດ ສົນໃຈຄວ້າ ຕົວດາວເຕະອາຍຸ 24 ປີລາຍນີ້ໄປເສີມທີມ.

ແນວໃດກໍຕາມຫລ້າສຸດ The Athletic ແລະ The Times ສອງສຳນັກຂ່າວຊັ້ນນຳເຜີຍກົງກັນວ່າ ອາເຊນອລ ໄດ້ວາງຕົວ ໄຣ ໄວ້ເປັນເປົ້າຫມາຍອັນດັບຫນຶ່ງ ໃນການສເີມທີມຂອງໄລຍະຕະຫລາດໜ້າຮ້ອນປີ 2023 ພ້ອມຈ່າຍຄ່າຕົວລະດັບສະຖິຕິໃຫມ່ສະໂມສອນດ້ວຍຈຳນວນ 80 ລ້ານປອນ.

ທັງນີ້ມີລາຍງານເພີ່ມວ່າ ອາເຊນອລ ຄອງຄວາມໄດ້ປຽບໃນການຊື້ຂາຍດັ່ງກ່າວ ເຫນືອ ເຊລຊີ ຄູ່ປັບຮ່ວມເມືອງເນື່ອງຈາກນັກເຕະຕ້ອງການໄປຫລິ້ນໃນ ຢູຟາ ແຊ໊ມປຽນລີກ ແຕ່ດ້ວຍສະຖານະການປັດຈຸບັນຄົງເປັນເລື່ອງຍາກທີ່ ເຊລຊີ ຈະຄວ້າໂກຕ້າໄປຫລິ້ນຢູຟາແຊ໊ມປຽນລີກ ໃນລະດູການໜ້າ ຕ່າງກັບ ອາເຊນອລ ທີ່ຄອງຜູ້ນຳຢູ່ໃນຂະນະນີ້.