ຊົວເຣສ ຍ້າຍຮ່ວມທີມ ເກຣມີໂອ ທີມໃນລີກບຣາຊິລ ຢ່າງເປັນທາງການ ເຊັນສັນຍາເຖິງປີ 2024
January 1, 2023 - 10:05 AM
ເກຣມີໂອ ປະກາດວ່າ ຫລຸຍ ຊົວເຣສ ກອງໜ້າທີມຊາດອຸຣຸໄກວ ໄດ້ຍ້າຍມາຮ່ວມທີມຢ່າງເປັນທາງການດ້ວຍສັນຍາເຖິງປີ 2024.
ກ່ອນໜ້ານີ້ມີລາຍງານວ່າ ຊົວເຣສ ທີ່ເຫລືອສັນຍາກັບ ນາຊີອອງນາລ ຕົ້ນສັງກັດປັດຈຸບັນເຖິງພຽງວັນທີ 31 ທັນວານີ້ ໄດ້ຕົກລົງທີ່ຈະຍ້າຍໄປຮ່ວມທີມ ເກຣມີໂອ ສະໂມສອນໃຫຍ່ຂອງລີກບຣາຊິລແບບບໍ່ມີຄ່າຕົວດ້ວຍສັນຍາ 2 ປີ ຫລື ເຖິງປີ 2024.
ຈົນຫລ້າສຸດ ເກຣມີໂອ ກໍໂພສຂໍ້ຄວາມຜ່ານທະວິດເຕີຂອງສະໂມສອນການເປີດຕົວ ຊົວເຣສ ທີມດ້ວຍສັນຍາເຖິງປີ 2024 ໂດຍນັກເຕະຈະໃສ່ເສື້ອເບີ 9 ໃຫ້ກັບຕົ້ນສັງກັດໃຫມ່.
ທັງນີ້ ເກຣມີໂອ ຄືສະໂມສອນທີ 7 ໃນອາຊີບນັກເຕະຂອງດາວຍິງອາຍຸ 35 ປີ ຫລັງກ່ອນໜ້ານີ້ລາວເຄີຍຫລິ້ນໃຫ້ກັບ ນາຊີອອງນາລ, ໂກຣນິງເກນ, ອາແຈັກ, ລີເວີພູລ, ບາເຊໂລນາ ແລະ ແອັດເລຕີໂກ ມາດຣິດ.
