ແມັກຊິໂກ ພົບເດັກນ້ອຍເສຍຊີວິດ 1 ຄົນ ສາຫັດອີກ 1 ຄົນ ຫລັງຖືກເຈຍກັດ

ສຳນັກຂ່າວຕ່າງປະເທດລາຍງານວ່າ: ພົບເດັກນ້ອຍອາຍຸ 7 ປີ ເສຍຊີວິດ ຢູ່ທາງພາກໃຕ້ຂອງແມັກຊິໂກ ຫລັງຈາກສົງໄສວ່າຖືກເຈຍກັດ ຂະນະທີ່ມີເດັກຍິງອີກຄົນໜຶ່ງອາການສາຫັດມີໂອກາດລອດຊີວິດພຽງເລັກໜ້ອຍ.

ຈາກການລາຍງານຂອງກົມອະນາໄມແມັກຊິໂກລະບຸວ່າ: ເດັກຊາຍຄົນດັ່ງກ່າວເສຍຊີວິດໃນວັນພຸດ ທີ 28 ທັນວາ 2022 ທີ່ຜ່ານມາ ຫລັງຈາກຖືກເຈຍກັດຕັ້ງແຕ່ວັນທີ 1 ທັນວາ ໂດຍບໍ່ໄດ້ຮັບການປິ່ນປົວໂດຍທັນທີ ຂະນະດຽວກັນ ມີເດັກຍິງອາຍຸ 8 ປີ ກໍຖືກກັດເຊັ່ນດຽວກັນ ເຊິ່ງຢູ່ໃນສະພາບວິກິດ ນອນຢູ່ໃນໂຮງໝໍຕ້ອງໄດ້ໃສ່ເຄື່ອງຊ່ວຍຫາຍໃຈ, ເຊິ່ງທາງການແພດລະບຸວ່າ: ນາງມີໂອກາດລອດຊີວິດໜ້ອຍຫລາຍ ເນື່ອງຈາກນາງບໍ່ໄດ້ຮັບການປິ່ນປົວໂດຍທັນທີ.