ຜົນການແຂ່ງຂັນລົດກວັກຊາຍ ປະເພດ ທີມ ແລະ ບຸກຄົນ ໄລຍະທາງ 100 ກມ
December 21, 2022 - 4:30 PM
ການແຂ່ງຂັນປະເພດ ທີມ ແລະ ບຸກຄົນ ລົດກວັກຊາຍ ໄລຍະທາງ 100 ກມ, ເລີ່ມປ່ອຍຕົວ ເວລາ 9:00ໂມງ, ຈຸດເລີ່ມຕົ້ນ ຖະໜົນເລກ 7 ບ້ານລາດງ່ອນ, ມີນັກກິລາທັງໝົດ 20 ຄົນ ຈາກ 5 ພາກສ່ວນເຂົ້າຮ່ວມ ຄື:
ນະຄອນຫລວງວຽງຈັນ ທ້າວ ສຸດທິສັກ ວັນດີລາ ເບີ 001, ທ້າວ ທອງມະນີ ໄຊຍາລາດ ເບີ 002, ທ້າວ ຖາວອນ ພົນອາສາ ເບີ 003, ທ້າວ ທະນາກອນ ວົງເດືອນ ເບີ 004.
ແຂວງຊຽງຂວາງ ທ້າວ ສຸກສະຫວັນ ອິນສີຊຽງໃໝ່ ເບີ 020, ທ້າວ ພຸດສະສອນ ອິນທະມິດ ເບີ 021, ທ້າວ ອາລິຍາ ພູສະຫວັດ ເບີ 023, ທ້າວສິງກາ ນັນທະວົງສາ ເບີ 024.
ແຂວງບໍ່ແກ້ວ ທ້າວ ທະນະບູນ ວົງເດືອນ ເບີ012, ທ້າວ ສາຍລົມເຢັນ ພົມມະຈັນ ເບີ 013, ທ້າວ ສົມສັກ ຈິດຕະວົງ ເບີ 014, ທ້າວ ອະພິຊາດ ສຸດທະວິໄລ ເບີ 015.
ແຂວງຄໍາມ່ວນ ທ້າວ ວິໄລສັກ ອິນທະວົງ ເບີ 033, ທ້າວ ກໍລະກັນ ໂງ່ນເພັດ ເບີ 034, ທ້າວ ອານັນ ນັນທະລາດ ເບີ 035, ທ້າວ ເທບພະວົງ ເບີ 030. ແຂວງວຽງຈັນ ທ້າວ ປາຍຫວ້ານ ສຸລິຍາແສງ ເບີ 081, ທ້າວ ຕຸ່ນຄຳ ເບີ 083, ທ້າວ ຟອງສະມຸດ ສຸທຳມະວົງເບີ 084, ທ້າວ ສອນສຸລິສັກ ແມ່ນວິໄລ ເບີ 085.
ຜົນການແຂ່ງຂັນ: ນະຄອນຫລວງວຽງຈັນ ຊະນະເລີດ ສາມາດຄວ້າຫລຽນຄໍາໄປຄອງ, ອັນດັບທີ 2 ແຂວງບໍ່ແກ້ວ ຄອງຫລຽນເງິນ ແລະ ອັນດັບທີ 3 ແຂວງຊຽງຂວາງ ຄອງຫລຽນທອງ.
ສ່ວນການແຂ່ງຂັນລົດຖີບແບບບຸກຄົນ ແຂວງຊຽງຂວາງ ເຈົ້າພາບເປັນຜູ້ຊະນະເລີດ ຄວ້າຫລຽນຄໍາໄປຄອງ, ອັນດັບ 2 ແລະ 3 ເປັນຂອງນະຄອນຫລວງວຽງຈັນ ໄດ້ຫລຽນເງິນ ແລະ ຫລຽນທອງ.
