ໂມດຣິດ ຢືນຢັນຂໍຫລິ້ນໃຫ້ ໂຄຣເອເຊຍ ຕໍ່ ຫລັງຈົບບານໂລກ

ລູກາ ໂມດຣິດ ຍັງບໍ່ຄິດແຂວນເກີບ ຫລັງພາທີມຄວ້າອັນດັບ 3 ບານເຕະໂລກ 2022 ເປີດເຜີຍຂໍຫລິ້ນຕໍ່ຈົນເຖິງຮອບຊີງແຊ໊ມຢູຟາ ເນຊັນ ລີກ 2022-23 ເປັນຢ່າງຫນ້ອຍ.

ລູກາ ໂມດຣິດ ກອງກາງຫົວໜ້າທີມຊາດໂຄຣເອເຊຍ ເປີດເຜີຍຫລັງຄວ້າແຊ໊ມອັນດັບ 3 ບານເຕະໂລກ 2022 ໂດຍຢືນຢັນວ່າຕົນຈະຢູ່ຫລິ້ນ ໃຫ້ທີມຊາດຕໍ່ໄປ ຈົນເຖິງຮອບຊີງແຊ໊ມ ຢູຟາ ເນຊັນ ລີກ ລະດູການ 2022-23 ໃນເດືອນມິຖຸນາ 2023 ເປັນຢ່າງຫນ້ອຍ.

ສຳລັບ ໂມດຣິດ ອາຍຸ 37 ປີ ຫລິ້ນໃຫ້ທີມຊາດໂຄຣເອເຊຍ ມາຢ່າງຍາວນານ ເປັນຂຸມກຳລັງສຳຄັນນຳທີມຄວ້າແຊ໊ມໂລກ 2018 ກ່ອນຈະມາໄດ້ອັນດັບ 3 ບານໂລກໃນປີນີ້ ຫລັງເກມການເອົາຊະນະ ໂມຣ໊ອກໂກ 2-1 ເມື່ອວັນທີ 17 ທັນວາຜ່ານມາ.

ໂມດຣິດ ກ່າວວ່າ : “  ຂ້ອຍບໍ່ແນ່ໃຈຈະຫລິ້ນໄປເຖິງຢູໂຣ 2024 ຫລື ບໍ່ ເຮົາຈະໄດ້ເຫັນກັນ ຂ້ອຍຈຳເປັນຕ້ອງເບິ່ງແບບກ້າວຕໍ່ກ້າວ ຂ້ອຍຄິດວ່າຕົນເອງຍັງ ສາມາດຫລິ້ນໃນລະດັບສູງສຸດໄດ້ ແລະ ຂ້ອຍຢາກຫລິ້ນຕໍ່ໄປເຖິງ ເນຊັນ ລີກ ເປັນຢ່າງຫນ້ອຍ ”.