ຕຳຫລວດຈະລາຈອນ ແຂວງບໍ່ແກ້ວ ກວດພົບ ລົດໃຫຍ່ ປ້ອມແປງເອກະສານ 4 ຄັນ ແລະ ລົດຈັກບໍ່ມີເອກະສານ 31 ຄັນ

ວັນທີ 13 ທັນວາ 2022 ພະແນກຈະລາຈອນ ແຂວງບໍ່ແກ້ວ ໄດ້ລົງກວດກາລົດຈັກ ຢູ່ທີ່ໂຮງຮຽນມໍປາຍຫ້ວຍຊາຍ ພົບລົດຈັກດັດແປງສະພາບເຕັກນິກ 14 ຄັນ ແລະ ລົດຈັກບໍ່ມີເອກະສານ 31 ຄັນ. ພ້ອມທັງກັກຈຳນວນລົດດັ່ງກ່າວໄປກວດກາຄືນຕື່ມຢູ່ພະແນກຈະລາຈອນແຂວງ ແລະ ຈະໄດ້ເຈົ້າຂອງລົດຈັກພ້ອມດ້ວຍຜູ້ປົກຄອງມາທຳການສຶກສາອົບຮົມຕາມລະບຽບການ.

ນອກຈາກນີ້ ຈະລາຈອນແຂວງຍັງກວດພົບລົດໃຫຍ່ ປ້ອມແປງເອກະສານຈຳນວນ 4 ຄັນ ຄື: ລົດເກງ ອີແລນຕ້າ 1 ຄັນ, ລົດກະບະລີໂວ 2 ຄັນ, ລົດຟໍຈູນເນີ1 ຄັນ. ຕາມທ້ອງຖະໜົນ ຈາກການຕັ້ງດ່ານກວດກາ, ລົດທັງ 4 ຄັນນີ້ ເປັນອອກປ້າຍທະບຽນ ແຂວງບໍ່ແກ້ວ.

ປັດຈຸບັນທາງເຈົ້າໜ້າທີ່ພວມດຳເນີນສືບສວນ-ສອບສວນ ເຈົ້າຂອງລົດຈຳນວນລົດດັ່ງກ່າວ.