ປະຊາຊົນຜູ້ໄດ້ຮັບຜົນກະທົບຈາກໄພນ້ຳຖ້ວມ ຢູ່ເມືອງຄຳເກີດໄດ້ຮັບການຊ່ວຍເຫລືອເບື້ອງຕົ້ນແລ້ວ
ໃນວັນທີ 28-30 ສິງຫານີ້, ທ່ານ ທອງພະຈັນ ສອນນະສິນ ຮອງປະທານອົງການກາແດງ ລາວ ແລະ ກາແດງແຂວງບໍລິ ຄຳໄຊ, ໄດ້ນຳເອົາເຄື່ອງຊ່ວຍ ເຫລືອປະກອບມີ: ເຂົ້າສານ, ອາ ຫານແຫ້ງ, ຢາປົວພະຍາດ ແລະ ເຄື່ອງນຸ່ງຮົ່ມ ຈຳນວນໜຶ່ງລວມ ມູນຄ່າ 11 ລ້ານກວ່າກີບໄປ ມອບໃຫ້ປະຊາຊົນ 73 ຄອບຄົວ ໃນ 5 ບ້ານ ຂອງເມືອງ ຄຳເກີດ ແລະ ເມືອງວຽງທອງ ແຂວງ ບໍລິຄຳໄຊ, ທີ່ໄດ້ຮັບຜົນກະທົບ ຈາກໄພນ້ຳຖ້ວມໃນຜ່ານມາ, ເຊິ່ງ ເຄື່ອງທີ່ນຳມາຊ່ວຍເຫລືອນີ້ ແມ່ນໄດ້ຮັບການສະໜັບສະໜູນຈາກຄະນະກຳມະການກາແດງສາກົນ (ICRC).
+ ກາແດງລາວຍົກລະດັບວຽກງານ ຄວາມປອດໄພໃຫ້ອາສາສະໝັກ
+ ລັດຖະບານໄດ້ເອົາໃຈໃສ່ຊ່ວຍເຫລືອປະຊາຊົນທີ່ປະສົບໄພນ້ຳ ຖ້ວມມູນຄ່າເກືອບ 900 ລ້ານກີບ
ກາແດງ ແຂວງບໍລິຄຳໄຊ ກໍໄດ້ນຳເອົາ ເຂົ້າສານ ແລະ ອາຫານແຫ້ງ ຈຳນວນໜຶ່ງ ໄປມອບໃຫ້ຊາວ ບ້ານດັ່ງກ່າວ ເພື່ອເປັນການສຸກ ເສີນແລ້ວ ແລະ ມາຮອດປັດຈຸ ບັນມີຜູ້ປະສົບໄພຈຳນວນຫລາຍ ທີ່ຍັງຕ້ອງການຄວາມຊ່ວຍ ເຫລືອຈາກສັງຄົມ, ໂດຍຜ່ານ ອົງການກາແດງລາວ ຕັ້ງຢູ່ບ້ານ ຊຽງຢືນ, ເມືອງຈັນທະບູລີນະ ຄອນຫລວງວຽງຈັນຖ້າໃຜມີຈິດ ໃຈສັດທາກໍເຂົ້າມາພົວພັນໄດ້ ທຸກເວລາ.
