ເຈົ້າໜ້າທີ່ຊີ້ແຈງ ສາເຫດລົດຕົກຂົວ ວັງອີງ ເມືອງຫລາ ແຂວງອຸດົມໄຊ

ວັນທີ 13 ທັນວາ 2022 ນີ້, ທ່ານ ພັຕ ອ່ອນສີ ແສງມະນີ ຫົວໜ້າພະແນກຈະລາຈອນ ແຂວງອຸດົມໄຊ ຊີ້ແຈງສາເຫດ ລົດຕົກຂົວ ວັງອີງ ເມືອງ ຫລາ ແຂວງອຸດົມໄຊ ວ່າ: ໃນວັນທີ 7 ທັນວາ 2022 ທີ່ຜ່ານມາ ເຮັດໃຫ້ມີຄົນເສຍຊີວິດ 4 ຄົນ ຈາກການຊັນນະສູດ ແລະ ເກັບກຳຂໍ້ມູນຂອງເຈົ້າໜ້າທີ່ຈຶ່ງຮູ້ວ່າ ຜູ້ກ່ຽວໄດ້ຂັບລົດດ້ວຍຄວາມໄວ ບວກກັບມີອາການຫລັບໃນຈຶ່ງເຮັດໃຫ້ລົດເສຍຫລັກຕຳເອົາຕົ້ນໄມ້ ແລ້ວຕົກຂົວ, ກ່ອນທີ່ຈະອອກເດີນທາງແມ່ນຜູ້ກ່ຽວໄດ້ເວົ້ານຳຍາດພີ່ນ້ອງວ່າ ຕົນເອງຮູ້ສຶກບໍ່ສະບາຍ ຈຸດປະສົງທີ່ມາອຸດົມໄຊ ກໍເພື່ອຈະມາກວດສຸຂະພາບ, ຈາກຂົວລົງສູ່ແມ່ນ້ຳປະມານ 30 ແມັດ ແຕ່ໜ້ານ້ຳລົງໄປພື້ນດິນ ປະມານ 22 ແມັດ, ໂດຍການໃຊ້ເວລາໃນການຄົ້ນຫາເກືອບ 2 ວັນຈຶ່ງສາມາດນຳສົບຂຶ້ນມາໄດ້