ອາຊາ ປະກາດອຳລາທີມຊາດເບລຢຽມ ຮຽບຮ້ອຍແລ້ວ

ເອເດັນ ອາຊາ ປີກປະສົບການສູງຂອງ ຣຽວ ມາດຣິດ ປະກາດອຳລາທີມຊາດເບລຢຽມແລ້ວ ຫລັງພາທີມຈອດປ້າຍພຽງຮອບທຳອິດບານເຕະໂລກ 2022 ເທົ່ານັ້ນ.

ອາຊາ ອາຍຸ 31 ປີ ປະເດີມສະໜາມໃຫ້ເບລຢຽມ ໃນປີ 2008 ໂດຍລົງຫລິ້ນໄປທັງຫມົດ 126 ນັດ ຍິງໄດ້ 33 ປະຕູ ນອກຈາກນີ້ຍັງເປັນກຳລັງສຳຄັນໃນການ ພາເບລຢຽມ ຜ່ານເຂົ້າເຖິງຮອບຮອງຊະນະເລີດໃນບານໂລກ 2018 ກ່ອນຈະເສຍໃຫ້ ຝຣັ່ງ ທີ່ກ້າວໄປຄວ້າແຊ໊ມໂລກມາຄອງໄດ້ໃນທີ່ສຸດ ແຕ່ສຸດທ້າຍແລ້ວ ເບລຢຽມ ກໍຍັງຄວ້າຫລຽນທອງແດງມາຄ້ອງຄໍໄດ້ດ້ວຍການຊະນະອັງກິດໃນນັດຊີງອັນດັບ 3.

“ ມື້ນີ້ ເຮົາຕ້ອງກ້າວຕໍ່ໄປຂ້າງໜ້າ… ຂອບໃຈສຳລັບຄວາມຮັກຂອງພວກເຈົ້າ ຂອບໃຈສຳລັບແຮງສະໜັບສະໜູນອັນຫາທີ່ປຽບບໍ່ໄດ້ ຂອບໃຈສຳລັບຄວາມ ສຸກທີ່ເຮົາແບ່ງປັນນຳກັນມາຕັ້ງແຕ່ປີ 2008 ຂ້ອຍຕັດສິນໃຈທີ່ຈະອຳລາທີມຊາດ ຄົນຮັບໜ້າທີ່ຕໍ່ພ້ອມຢູ່ແລ້ວ ແລ້ວຂ້ອຍຈະຄິດເຖິງພວກເຈົ້າ ”.