ອິນໂດເນເຊຍ ກຽມຜ່ານ ຮ່າງກົດໝາຍ ຫ້າມພົນລະເມືອງມີເພດສຳພັນ ກ່ອນແຕ່ງງານ

ສຳນັກຂ່າວຕ່າງປະເທດລາຍງານວ່າ: ວັນທີ 3 ທັນວາ ທີ່ຜ່ານມາ ລັດຖະສະພາອິນໂດເນເຊຍກຽມຜ່ານ ຮ່າງກົດໝາຍ ຫ້າມພົນລະເມືອງມີເພດສຳພັນນອກສົມລົດ ຫລື ຫ້າມມີເພດສຳພັນກ່ອນແຕ່ງງານ ພາຍໃນເດືອນນີ້ ໂດຍກຳນົດລົງໂທດສູງສຸດຕິດຄຸກເຖິງ 1 ປີ.

ຮ່າງກົດໝາຍດັ່ງກ່າວຈະມີການລົງມະຕິພາຍໃນອາທິດໜ້າ ເຊິ່ງມີຜົນບັງຄັບໃຊ້ກັບປະຊາຊົນອິນໂດເນເຊຍ ແລະ ຄົນຕ່າງປະເທດ, ເຊິ່ງຮ່າງກົດໝາຍນີ້ມີມາແຕ່ປີ 2019 ໂດຍໃຫ້ການສະໜັບສະໜູນຈາກກຸ່ມສາສະໜາ ແຕ່ຖືກຄັດຄ້ານຢ່າງຮຸນແຮງຈາກປະຊາຊົນ ທີ່ອອກມາປະທ້ວງ ເພາະເຫັນວ່າຮ່າງກົດໝາຍສະບັບນີ້ຈຳກັດສິດທິຂອງພົນລະເມືອງຫລາຍເກີນໄປ.