ຄູອາສາ 9 ປີ 3 ເດືອນ ຈຳໃຈລາອາຊີບ ທີ່ມັກຮັກດ້ວຍນໍ້າຕາ ພ້ອມຂໍ້ຄວາມ ສຸດເສົ້າໃນເຟສບຸກ
ວັນທີ 30 ພະຈິກ 2022 ນີ້ ຄູອາສາທ່ານໜຶ່ງ ຢູ່ ມສ ໜອງໃສ ແຂວງສາລະວັນ ໂພສລົງໃນເຟສສ່ວນຕົວ ດາວັນ ເພື່ອບອກໃຫ້ໝູ່ເພື່ອນຮູ້ວ່າ: ຝາກຊ່ວຍກົດໄລແຊ ແດ່ເດີທຸກຄົນບາງທີມີຜູ້ໃຈບຸນໃຈດີເພິ່ນຢາກຊ່ວຍເຫລືອຕໍ່ທຶນຮອນເພື່ອສູ້ຊີວິດຕໍ່ໄປ. ໂລກນີ້ໂຫດຮ້າຍເກີນນໍຄືບໍ່ຍຸຕິທຳກັບຂ້ອຍເເທ້ເດ ຮຽນມາ 5ປີຈົ ບປະລິນຍາຕີ ໂຄດວ່າທຸກແລ້ວ, ຈົບມາເຮັດວຽກທຸກ 10 ເທົາ, ສອນບໍ່ໄດ້ເງິນຈັກເທື່ອ ມີແຕ່ລໍໆອົດທົນບອກໃຈໂຕເອງມາຕະຫລອດ ຈົນມາຮອດ 9 ປີ 3 ເດືອນສຸດມັກຮັກໃນອາຊີບແຕ່ອາຊີບ ສູ້ກັບບໍ່ໄຫວຖອຍອອກມາຈາກອາຊີບຄູ, ບາງທີອາຊີບອື່ນອາດເໝາະສົມກັບເຮົາກວ່ານີ້, ເຄີຍມີຄວາມຄິດຢາກຮຽນສູງໆ ຈົບມາມີເງິນເດືອນ ໃຫ້ແມ່ເອື້ອຍນ້ອງພູມໃຈ. ລູກຂໍໂທດເດ້ແມ່ເອື້ອຍນ້ອງ, ຄິດວ່າຊິສູ້ຕໍ່ແຕ່ໜັກເກີນກຳລັງ, ຄິດໃນໃຈວ່າຖ້າໄດ້ລັດຖະກອນມື້ໃດ ເງິນກ້ອນທຳອິດຊິບໍ່ໃຊ້ຊິໃຫ້ແມ່ເອື້ອຍນ້ອງຜູ້ທຸກນຳຜູ້ຊຸກຍູ້ເຮົາຮຽນ, ສຸດທ້າຍກະໄປບໍ່ຮອດຝັ່ງຝັນ, ລູກຂໍໂທດເດີແມ່ເອຶ້ອຍນ້ອງທຸກຄົນ, ສູ້ບໍ່ໄຫວອະຫລີ່ສະພາບແວດລ້ອມຄູ່ມື້ແມ່ນໃຊ້ແຕ່ເງິນ, ເຮົາບໍ່ມີເວລາຫາເງິນມີແຕ່ເວລາໄປສອນເບິດມື້ເບິດເດືອນບໍ່ໄດ້ເງິນເດືອນ, ຂະໜາດພະນັກງານມີເງິນເດືອນເງິນອອກຊ້າມື້ 1-2 ຍັງຮ້ອງໂອຍໆ ບາດທີ່ເຮົາຄູອາສາ 9 ປີ ເງິນເດືອນບໍ່ເຄີຍອອກ, ເວລາມີງານຈັດງານເກັບເງິນກັນກະວ່າ ຄູອາສາກະເກັບເດີສາມັກຄີ, ຄິດໄດ້ແນວໃດວ່າສາມັກຄີ, ເງິນເດືອນບໍ່ມີຈັກກີບ ບໍ່ເຫັນໃຈກັນແດ່ນໍ “ເຫັນວ່າຜັກຫອມຫ້ຽນແຄມທາງຢ່າຟ້າວຢ່ຳ ບາດວ່າພໍຝຸ່ນນໍ້າ ຍາມເມື່ອໃບປົ່ງປີ້ນ ຍັງຊິໄດ້ໃສ່ລາບກ້ອຍດອກນາ”.
ເຮົາສູ້ມາຮອດຈຸດນີ້ ໃຜວ່າຂ້ອຍບໍ່ເກັ່ງກະຢ່າ, ຂ້ອຍສູ້ສຸດແລ້ວດີ້ນຮົນທຸກຢ່າງໃຫ້ມີຄືໝູ່ເສື້ອຜ້າເຄື່ອງຂອງຕັດໃໝ່ໃສ່ຊຸດໃໝ່, ດີ້ນຮົນຫາເງິນໄປນຳ ສອນໄປນຳ ຍ້ອນຢາກໄດ້ມີຄືໝູ່, ໝູ່ໃສຊຸດໃໝ່ ເຮົາກະໄໝ່ຄືກັນ, ເມື່ອຍດີ້ນຮົນ ຂໍລາມາເປັນນາຍໂຕເອງບາດນິ. ສອນໄປວັນໆແບບບໍ່ມີຄວາມຫວັງສ່ຳງົມເຂັມໃນທະເລ. ສຸດທ້າຍຈຳເປັນຕ້ອງໄດ້ຖອຍອອກມາຍ້ອນເຮົາຄົນຈົນເງິນໜ້ອຍ ສອນຫລາຍປີສ່ຳໃດກະບໍ່ໄດ້ລັດຖະກອນ, ບາດລູກເຈົ້າລູກນາຍມານຳຫລັງດັງກ່ອນໄດ້ລັດຖະກອນ, ໂລກນີ້ຕັ້ງລຳອຽງນໍ, ຖ້າໂລກນີ້ເປັນແບບນີ້ປະເທດຊາດບ້ານເມືອງຊິຈະເລີນກ້າວໜ້າແນວໃດ ແຕ່ລະປີຕ້ອງມີພະນັກງານຄູອາສາດີໆເຮັດດ້ວຍໃຈຕັ້ງໃຈສອນໄປໂດຍບໍ່ຫວັງສິ່ງຕອບແທນ, ສູ້ຈົນເບິດແຮງແຕ່ກະສູ້ລູກເຈົ້າຫລານນາຍບໍ່ໄດ້, ຕັ້ງບໍ່ເຫັນໃຈຜູ້ເງິນໜ້ອຍນໍ, ເຫັນແຕ່ຜູ້ມີອຳນາດມີເສັ້ນມີສາຍຈົບມາລະໄດ້ບັນຈຸລັດຖະກອນໂລດ, ເຮົາຜູ້ຄົນຈົນຮຽນມາກະໃຊ້ເງິນຫລາຍລ້ານຄືກັນກັບລູກເຈົ້າຫລານນາຍຫະແລະບໍ່ໄດ້ໃຊ້ໃບໄມ້ຮຽນດອກກ່ວາຊິຈົບແມ່ຂາຍງົວ, ຄວາຍງົວ ເບິດເປັນຄອກ, ຕົ້ນໄມ້ ໄຮ່ນາຮົ້ວສວນຂາຍເບິດ ເພື່ອໃຫ້ລູກໄດ້ຮ່ຳຮຽນ. ພິມນຳນ້ຳຕາໄຫລນຳບໍ່ຢາກໄຫ້ແຕ່ມັນໄຫລອອກເອງ”
ຄູອາສາໄດ້ໂພສພ້ອມຄິວອາໂຄດໄວ້ເຜື່ອວ່າມີຜູ້ຢາກຊ່ວຍຊູໃນການສູ້ຊີວິດຕໍ່ໄປ.
ຂໍເປັນກຳລັງໃຈໃຫ້ທຸກຄົນ ໃນການສູ້ຊີວິດ
