ເຝົ້າລະວັງຢ່າງໃກ້ຊິດ ພູເຂົາໄຟ ເມົານາໂລອາ ລະເບີດໃນຮອບ 38 ປີ

ພູເຂົາໄຟ ເມົານາໂລອາ ເປັນພູເຂົາໄຟຊົງພະລັງທີ່ໃຫ່ຍທີ່ສຸດໃນໂລກ ຕັ້ງຢູ່ ລັດຮາວາຍ ສະຫະລັດອາເມຣິກາ ລະເບີດເປັນຄັ້ງທຳອິດ ນັບຕັ້ງແຕ່ປີ 1984 ດ້ານຜູ້ຊ່ຽວຊານເຝົ້າລະວັງຢ່າງໃກ້ຊິດ ແຕ່ຢືນຢັນປະຊາຊົນທີ່ອາໄສຢູ່ເບື້ອງລຸ່ມບໍ່ໄດ້ຮັບຜົນກະທົບ

ສຳນັກຂ່າວຕ່າງປະເທດລາຍງານຈາກ ນະຄອນຫລວງວໍຊິງຕັນ ສະຫະລັດອາເມຣິກາ ໃນວັນທີ 29 ພະຈິກ 2022 ນີ້ ສຳນັກງານສຳຫລວດທໍລະນີວິທະຍາສະຫະລັດ ລາຍງານວ່າ: ພູເຂົາໄຟ ເມົານາໂລອາ ມີຄວາມສູງ 4,169 ແມັດ ລະເບີດຂຶ້ນຢ່າງໜັກໃນວັນອາທິດທີ່ຜ່ານມາ ມີຄວັນ ແລະ ເຖົ່າຖ່ານ ພຸ່ງອອກມາ, ເຖິງແມ່ນວ່າ ທາງເຈົ້້າໜ້າທີ່ຢືນຢັນວ່າບໍ່ສົ່ງຜົນກະທົບ ແລະ ເປັນອັນຕະລາຍຕໍ່ປະຊາຊົນ ແຕ່ ທຸກພາກສ່ວນທີ່ກ່ຽວຂ້ອງຍັງເຝົ້າລະວັງຢ່າງໃກ້ຊິດຕະຫລອດ 24 ຊົ່ວໂມງ.