ອິຕາລີ ປະກາດພາວະສຸກເສີນ ຫລັງເກີດດິນຖະຫລົ່ມ ທີ່ເກາະອິສເກຍ ເສຍຊີວິດແລ້ວ 7 ຄົນ
November 28, 2022 - 9:58 AM
ສຳນັກຂ່າວຕ່າງປະເທດລາຍງານວ່າ: ວັນທີ 28 ພະຈິກ 2022 ນີ້, ລັດຖະບານອິຕາລີ ປະກາດພາວະສຸກເສີນ ຫລັງຝົນຕັໍົກໜັກທີ່ເກາະອິສເກຍ ຈົນເກີດດິນຖະຫລົ່ມ ພັດລົດຫລາຍຄັນຕົກທະເລ ບ້ານເຮືອນປະຊາຊົນເສຍຫາຍເປັນຈຳນວນຫລາຍ ເມື່ອວັນທີ 26 ພະຈິກ ທີ່ຜ່ານມາ, ໂດຍລ່າສຸດມີຈຳນວນຜູ້ເສຍຊີວິດເພີ່ມຂຶ້ນ 7 ຄົນ ຜູ້ສູນຫາຍອີກ 5 ຄົນ ຊ່ວຍຊີວິດໄດ້ເພີ່ມ 8 ຄົນ ແລະ ມີຜູ້ອົບພະຍົບອອກຈາກພື້ນທີ່ອີກ 209 ຄົນ.
ໃນຖະແຫລ່ງການລະບຸວ່າ: ນາຍົກລັດຖະມົນຕີ ອິຕາລີ ປະກາດພາວະສຸກເສີນ ເນື່ອງຈາກເຫດດິນຖະຫລົ່ມ ແລະ ນ້ຳຖ້ວມຜິດປົກກະຕິທີ່ເກາະອິສເກຍ ໃນແຄວ້ນກຳປາເນຍ ໂດຍຈະຈັດສັນງົບປະມານ 2 ລ້ານຢູໂຣ ເພື່ອຊ່ວຍເຫລືອປະຊາຊົນທ້ອງຖິ່ນທີ່ໄດ້ຮັບຜົນກະທົບຈາກດິນຖະຫລົ່ມທີ່ເກີດຂຶ້ນ.
