ລາວ ແລະ ອົງການສະຫະປະຊາຊາດກອງທຶນສຳລັບປະຊາກອນລົງນາມໃນແຜນງານປະຈຳປີ 2017
ພິທີລົງນາມໃນບົດບັນທຶກຄວາມເຂົ້າໃຈກ່ຽວກັບຄູ່ຮ່ວມງານ ແລະ ແຜນງານປະຈຳປີ 2017 ລະ ຫວ່າງກະຊວງສຶກສາທິການ ແລະ ກິລາ ແລະອົງການສະຫະປະຊາຊາດກອງທຶນສຳລັບປະຊາກອນປະຈຳລາວ ( UNFPA ) ໄດ້ມີຂຶ້ໃນວັນທີ 28 ມີນານີ້, ທີ່ນະຄອນຫຼວງວຽງຈັນລະຫວ່າງ ທ່ານ ນາງ ແສງເດືອນ ຫຼ້າຈັນທະບູນ ລັດເຖະມົນຕີກະຊວງ ສາສຶກທິການ ແລະ ກິລາ ແລະ ທ່ານ ນາງ ເຟຼເດີຣິກາ ເມເຢີ ຜູ້ຕາງໜ້າອົງການສະຫະປະຊາຊາດກອງທືນສຳລັບປະຊາກອນ.
ທ່ານ ລັດຖະມົນຕີກະຊວງສຶກສາທິການ ແລະ ກິລາກ່າວໃນພິທີວ່າ: ເພື່ອເປັນການຮັດ ແໜ້ນການພົວພັນຮ່ວມມື, ເພື່ອແນ່ໃສ່ຕອບສະໜອງຄວາມຕ້ອງການຂອງໄວໜຸ່ມ, ໂດຍສະເພາະແມ່ນໄວໜຸ່ມຍິງ ແລະ ເພື່ອໂຄສະນາເຜີຍແຜ່ການຊຸກຍູ້ສົງເສີມຕົວລະຄອນນາງນ້ອຍໄດ້ເຮັດຕາມຄວາມມັກຮັກ ແລະ ປະສົບຜົນສຳຕາມວັດຖຸປະສົງໃນຊີວິດຂອງລາວ. ເນື່ອງຈາກໄວໜຸ່ມຍິງໃນເຂດຊົນນະບົດຫ່າງໄກສອກຫຼີກແມ່ນພົບພໍ້ກັບສິ່ງທ້າທາຍ ແລະ ຂໍ້ຫຍຸ້ງຍາກຫຼາຍໃນການເຂົ້າເຖິງຂໍ້ມູນຂ່າວສານ ແລະ ການສຶກສາ, ພວກເຂົ້າຄວນໄດ້ຮັບຄວາມເອົາໃຈໃສ່ເປັນພິເສດເພື່ອສ້າງຄວາມເຂັ້ມແຂງໃຫ້ໂຕເຂົາເຈົ້າເອງ. ພັດທະນາໃຫ້ພວກເຮົາບັນລຸຕາມເປົ້າໝາຍທີ່ພວກເຂົາວາງໄວ້ ແລະ ຫວັງວ່າຫຼາຍໆພາກສ່ວນຈະຮ່ວມສະໜັບສະໜູນນາງນ້ອຍ, ເຊັ່ນດຽວກັບການເຊັນບົດບັນທຶກໃນມື້ນີ້ເປັນການຢືນຢັນເຖິງຄຳໝັ້ນສັນຍາໃນການລົງທືນໃສ່ນາງນ້ອຍຂອງລັດຖະບານ ແລະ ຄູ່ຮ່ວມພັດທະນາ UNFPA .
ຜູ້ຕາງໜ້າອົງການ UNFPA ກ່າວວ່າ: ປັດຈຸບັນນີ້ໄວໜຸ່ມ ແລະ ຊາວໜຸ່ມສ່ວນໃຫຍ່ມັກຈະຖືກປອຍປະລະເລີຍ ແລະ ຄົນສ່ວນຫຼາຍຈະບໍ່ໄດ້ຍິນສຽງຂອງພວກເຂົາ, ເພື່ອເຮັດໃຫ້ເປັນຮູບປະທຳ ແລະ ສາ ມາດປ່ຽນແປງສະພາບດັ່ງກ່າວ, ພວກເຮົາຕ້ອງໄດ້ເອົາໃຈໃສ່ໄວໜຸ່ມ ແລະ ຊາວໜຸ່ມເປັນພິເສດເຂົ້າໃນການລົງທືນໃສ່ການສຶກສາຂອງເດັກຍິງແມ່ນສ່ວນສຳຄັນໃນຄວາມກ້າວໜ້າຂອງແມ່ຍິງ ແລະ ສິດສະເໝີພາບລະຫວ່າງຍິງຊາຍໃຫ້ໄດ້ຮັບຜົນສູງສຸດ.
