ເບລລິງແຮມ ຂຶ້ນອັນດັບ 2 ນັກເຕະອັງກິດ ອາຍຸໜ້ອຍທີ່ສຸດ ຍິງປະຕູໃນບານໂລກໄດ້

ຈູດ ເບລລິງແຮມ ກາຍເປັນນັກເຕະທີມຊາດອັງກິດ ອາຍຸໜ້ອຍສຸດອັນດັບ 2 ທີ່ຍິງປະຕູໃນບານໂລກ ຮອບສຸດທ້າຍ ຫລັງຍິງໃສ່ ອີຣ່ານ ໃນບານໂລກ 2022.

ການແຂ່ງຂັນບານໂລກ 2022 ຮອບແບ່ງກຸ່ມ ນັດທຳອິດ ທີ່ສະໜາມຄາລິຟາ ອິນເຕີເນຊັນແນລ ເມືອງອັລ ຣາຍຢານ ປະເທດກາຕ້າ ມີສະຖິຕິທີ່ໜ້າສົນໃຈ ເກີດຂຶ້ນໃນເກມທີທີມຊາດອັງກິດ ອັນດັບ 5 ຂອງໂລກ ພົບກັບ ທີມຊາດອີຣ່ານ ອັນດັບ 20 ຂອງໂລກ.

ເກມນີ້ ອັງກິດ ຂຶ້ນນຳ 1-0 ໃນນາທີທີ 35 ຈາກການຂຶ້ນຫົວຕຳຂອງ ຈູດ ເບລລິງແຮມ ກອງກາງດາວຮຸ່ງຈາກ ໂບຣຸສເຊຍ ດອດມຸນ ທີມດັງໃນບຸນເດສລີກາ ເຢຍລະມັນ.

ເຮັດໃຫ້ ຈູດ ເບລລິງແຮມ ກາຍເປັນນັກເຕະອາຍຸໜ້ອຍທີ່ສຸດອັນດັບ 2 ຂອງທີມຊາດອັງກິດ ທີ່ສາມາດຍິງປະຕູໄດ້ໃນການແຂ່ງຂັນບານໂລກ ຮອບສຸດ ທ້າຍໃນອາຍຸ 19 ປີ 145 ວັນ.

ສະຖິຕິນີ້ເປັນຮອງພຽງ ໄມເຄິລ ໂອເວັນ ອະດີດດາວຍິງລີເວີພູລ, ຣຽວ ມາດຣິດ, ນິວຄາສເຊິລ ຢູໄນເຕັດ, ແມນເຊສເຕີ ຢູໄນເຕັດ ແລະ ສະໂຕກ ຊິຕີ ທີ່ເຄີຍເຮັດໄດ້ດ້ວຍອາຍຸ 18 ປີ 190 ມື້ ໃນບານໂລກ 1998 ທີ່ຝຣັ່ງ ໃນເກມທີ່ອັງກິດ ເສຍ ໂຣມາເນຍ 1-2 ໃນຮອບແບ່ງກຸ່ມ ນັດທີ 2 ກຸ່ມ ຈີ ເມື່ອວັນທີ 22 ມິຖຸນາ ປີ 1998.