ເກີດເຫດໄຟໄໝ້ໂຮງງານຈີນ ເຮັດໃຫ້ພະນັກງານ ເສຍຊີວິດ 36 ຄົນ ແລະ ຫາຍສາບສູນອີກ 2 ຄົນ

ສຳນັກຂ່າວຕ່າງປະເທດລາຍງານວ່າ: ຕອນບ່າຍຂອງວັນທີ 21 ພະຈິກ 2022 ທີ່ຜ່ານມາ, ເກີດເຫດໄຟໄໝ້ໂຮງງານແຫ່ງໜຶ່ງ ໃນເມືອງອັນຢາງ ມົນທົນເຫີໜານ ທາງພາກກາງຂອງຈີນ ຫລງັໄດ້ຮັບແຈ້ງເຫດ ໜ່ວຍດັບເພີງໄດ້ສົ່ງລົດດັບເພີງເຖິງ 63 ຄັນເຂົ້າໄປຊ່ວຍສະກັດເພີງທັງໝົດໄວ້ໄດ້.

ທາງການທ້ອງຖິ່ນເປີດເຜີຍວ່າ: ມີພະນັກງານເສຍຊີວິດຈາກເຫດການຄັ້ງນີ້ 36 ຄົນ, ຫາຍສາບສູນ 2 ຄົນ ແລະ ບາດເຈັບອີກ 2 ຄົນ , ນອກຈາກນີ້ ຍັງມີການຈັບກຸມຜູ້ຕ້ອງສົງໄສທີ່ອາດຈະກ່ຽວຂ້ອງກັບເຫດໄຟໄໝ້ດັ່ງກ່າວຈຳນວນໜຶ່ງ ແຕ່ຍັງບໍ່ມີການເປີດເຜີຍລາຍລະອຽດແຕ່ຢ່າງໃດ.