ຄຣິິສຕຽນໂນ ໂຣນັລໂດ ເຊື່ອບົດສຳພາດໂຈມຕີແມນຢູ ບໍ່ກະທົບທີມຊາດໂປຣຕຸເກສ

ຄຣິສຕຽນໂນ ໂຣນັລໂດ ກອງໜ້າທີມຊາດໂປຣຕຸສເກສເຊື່ອວ່າບົດສຳພາດທີ່ຕົວເອງໂຈມຕີ ແມນເຊສເຕີ ຢູໄນເຕັດ ບໍ່ກະທົບກັບສະມາທິຂອງເພື່ອນ ຮ່ວມທີມໂປຣຕຸເກສ ໃນບານໂລກ.

ໂຣນັລໂດ ກາຍເປັນປະເດັນທີ່ໄດ້ຮັບຄວາມສົນໃຈໄປທົ່ວໂລກ ຫລັງຈາກທີ່ລາວໃຫ້ສຳພາດໂຈມຕີ ແມນເຊສເຕີ ຢູໄນເຕັດ ຕົ້ນສັງກັດໃນເລື່ອງຕ່າງໆ ເຊ່ັນ : ການຮູ້ສຶກວ່າເຫມືອນຖືກ ແມນຢູ ຫັກຫລັງ ເນື່ອງຈາກຖືກບີບໃຫ້ຍ້າຍທີມເປັນຕົ້ນ.

ຈາກບົດສຳພາດຂອງດາວເຕະອາຍຸ 37 ປີ ສ່ົງຜົນໃຫ້ສື່ຕ່າງໆໄປລຸມຖາມບັນດານັກເຕະຂອງທີມໂປຣຕຸເກສເຖິງເລື່ອງຂອງ ໂຣນັລໂດ ທັງ ບຣູໄນ ແຟນານເດສ, ແບນາໂດ ຊິລວາ ເນເວສ ເປັນຕົ້ນ ເຊິ່ງຫລາຍຄົນເບິ່ງວ່າາອດຈະເປັນການທຳລາຍສະມາທິຂອງນັກເຕະໂປຣຕຸສເກສສຳລັບການກຽມຕົວສູ້ເສິກບານໂລກ 2022.

ຈົນຫລ້າສຸດເມື່ອວັນທີ 21 ພະຈິກ ໂຣນັລໂດ ອອກມາລະບຸກັບສື່ຕົນເອງໂດຍເຊື່ອວ່າບົດສຳພາດຂອງລາວບໍ່ກະທົບກັບສະມາທິຂອງຫມູ່ຮ່ວມທີມຊາດ “ ໃນຊີວິດຂ້ອຍ ຈັງຫວະທີ່ດີທີ່ສຸດຄືຈັງຫວະຂອງຂ້ອຍສະເຫມີ ຂ້ອຍບໍ່ຕ້ອງຄິດວ່າຄົນອື່ນຄິດແບບໃດ ຂ້ອຍເວົ້າເມື່ອຂ້ອຍຕ້ອງການ ເຫລົ່ານັກເຕະຮູ້ຈັກ ຂ້ອຍດີ ແລະ ຮູ້ວ່າຂ້ອຍເປັນຄົນປະເພດໃດ ”.

“ ເປັນກຸ່ມທີ່ມີຄວາມທະເຍີທະຍານທີ່ຫິວໂຫຍ ແລະ ມີສະມາທິ ດັ່ງນັ້ນຂ້ອຍຫມັ້ນໃຈວ່າ ການສຳພາດຜ່ານມາ ຈະບໍ່ເຮັດໃຫ້ສະມາທິ ແລະ ຄວາມສົນໃຈຂອງ ຫ້ອງແຕ່ຕົວສັ່ນຄອນ ແຕ່ຂໍຮ້ອງຢ່າຖາມນັກເຕະກ່ຽວກັບຂ້ອຍ ຖາມເລື່ອງບານໂລກດີກວ່າ ຂ້ອຍປ້ອງກັນກະສູນໄດ້ ຂ້ອຍໃສ່ເສື້ອເກາະເຫລັກ ”.

ນອກຈາກນັ້ນ ໂຣນັລໂດຍັງເປີດເຜີຍບົດທະນາຂອງຕົນເອງກັບ ບຣູໄນ ຫມູ່ຮ່ວມຊາດ ແລະ ຫມູ່ຮ່ວມທີມ ແມນຢູ ຕອນທີ່ທັງຄູ່ພົບກັນໃນສູນເຝິກ ທີມຊາດ ຫລັງຈາກທີ່ ໂຣນັລໂດ ໃຫ້ສຳພາດໂຈມຕີ ແມນຢູ ເຊິ່ງບັນຍາກາດເຕັມໄປດ້ວຍຄວາມຕຶງຄຽດວ່າ ເຂົາທັງຄູ່ພວມຢອກກັນຫລິ້ນ “ ເຄື່ອງ ບິນຂອງລາວມາຊ້າ ຂ້ອຍຖາມລາວວ່າມາທາງເຮືອຫລືບໍ່ ”.