ອັດຕາເງິນເຟີ້ ຢູ່ ຍີ່ປຸ່ນ ເພີ່ມຂຶ້ນສູງສຸດ ໃນຮອບ 40 ປີ
ສຳນັກຂ່າວ ໂຕກຽວຂອງ ຍີ່ປຸ່ນ ລາຍງານວ່າ: ອັດຕາເງິນເຟີ້ ຂອງຍີ່ປຸ່ນ ໃນເດືອນຕຸລາ ຜ່ານມາ ໄດ້ເພີ່ມຂຶ້ນສູ່ ລະດັບສູງສຸດ ໃນຮອບ 40 ປີ ເນື່ອງຈາກ ລາຄານ້ຳມັນເຊື້ອໄຟໄດ້ປັບຕົວສູງຂຶ້ນ ແລະ ມູນຄ່າເງິນເຢນໄດ້ຫລຸດລົງ ເປັນການເພີ່ມແຮງກົດດັນໃຫ້ແກ່ທະນາຄານກາງຍີ່ປຸ່ນ ຫລື ບີໂອເຈ (BOJ) ຕ້ອງທົບທວນນະໂຍບາຍການເງິນໃຫ້ຫລຸດລົງຕ່ຳສຸດ.
ຂໍ້ມູນຂອງລັດຖະບານຍີ່ປຸ່ນໄດ້ລະບຸວ່າ: ດັດສະນີລາຄາຜູ້ບໍລິໂພກພື້ນຖານເຊິ່ງບໍ່ລວມ ອາຫານສົດ ທີ່ມີການປ່ຽນແປງ ເພີ່ມຂຶ້ນ 3,6% ຕໍ່ປີ ໃນເດືອນຕຸລາ, ເປັນຕົວເລກເພີ່ມຂຶ້ນສູງທີ່ສຸດ ນັບແຕ່ປີ 1982 ແຕ່ຕົວເລກດັ່ງກ່າວຍັງຕໍ່າກວ່າຫລາຍປະເທດລວມທັງ ສ.ອາເມລິກາ. ໂດຍຕົວເລກ ອັດຕາເງິນເຟີ້ ລາຄາທີ່ປັບຕົວສູງຂຶ້ນເຊື່ອມໂຍງກັບສິ່ງຈຳເປັນໃນຊີວິດປະຈຳວັນ ເປັນຕົ້ນແມ່ນ ເຄື່ອງອຸປະໂພກ, ບໍລິໂພກ ເນື່ອງຈາກວັດຖຸດິບ ມີລາຄາສູງຂຶ້ນ ແລະ ສະກຸນເງິນເຢນອ່ອນຄ່າລົງ, ລັດຖະບານຈະຕ້ອງປົກປ້ອງຊີວິດຄວາມເປັນຢູ່ຂອງປະຊາຊົນດ້ວຍການເພີ່ມນະໂຍບາຍຕ່າງໆເພື່ອແກ້ໄຂບັນຫາລາຄາພະລັງງານ ແລະ ອາຫານເພີ່ມສູງຂຶ້ນ ໄວ້ໃນມາດຕະຖານ ບັນເທົາທຸກ ແລະ ຈະຊຸກຍູ້ງົບປະມານພິເສດດັ່ງກ່າວອອກມາໂດຍໄວທີ່ສຸດ ແລະ ອື່ນໆ
