ຄະນະເກັບກູ້ລະເບີດຂອງກອງທັບສະຫະພັນຣັດເຊຍ 24 ສະຫາຍ ເດີນທາງມາຮອດລາວແລ້ວ ໂດຍມີເປົ້າໝາຍເກັບກູ້ຢູ່ທີ່ເມືອງນາກາຍ ແຂວງຄຳມ່ວນ
ຂ່າວໜັງສືພິມກອງທັບລາຍງານໃຫ້ຮູ້ວ່າ: ວັນທີ 17 ພະຈິກ 2022 ນີ້, ຄະນະເກັບກູ້ລະເບີດຂອງກອງທັບສະຫະພັນຣັດເຊຍ ໄດ້ເດີນທາງມາປະຕິບັດໜ້າທີ່ ຢູ່ ສປປ ລາວ, ລວມທັງໝົດມີ 24 ສະຫາຍ ອອກຕ້ອນຮັບ ໂດຍ ສະຫາຍ ພັນເອກ ປາດຖະໜາ ບຸດຕິຈັກ ຮອງຫົວ ໜ້າຫ້ອງການ ກົມໃຫຍ່ເສນາທິການກອງທັບປະຊາຊົນລາວ ພ້ອມດ້ວຍຄະນະ ແລະ ຝ່າຍສະ ຫະພັນຣັດເຊຍ.
ການມາຄັ້ງນີ້ ຈະເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ຂອງທັງສອງປະເທດທີ່ມີມູນເຊື້ອມາແຕ່ດົນນານແລ້ວນັ້ນ, ໃຫ້ນັບມື້ຂະຫຍາຍຕົວຍິ່ງໆຂຶ້ນ, ໂດຍສະເພາະແມ່ນສອງກະ ຊວງປ້ອງກັນປະເທດພວກເຮົາຄະນະເກັບກູ້ລະເບີດກອງທັບສະ ຫະພັນຣັດເຊຍ ຈະໄດ້ພົບປະສອງຝ່າຍ ຮ່ວມກັບກອງທັບປະຊາຊົນລາວ ເພື່ອປຶກສາຫາລືເອກະພາບການກະກຽມກ່ຽວກັບພິທີເປີດການເກັບກູ້ລະເບີດ, ເຝິກອົບຮົມ ແລະ ຈັດຕັ້ງເກັບກູ້ລະເບີດຮ່ວມກັນໃນການໄປປະຕິບັດໜ້າທີ່ ຢູ່ທີ່ເມືອງນາກາຍ ແຂວງຄຳມ່ວນ ເພື່ອເກັບກູ້ລະເບີດບໍ່ທັນແຕກທີ່ຕົກຄ້າງໃນປາງສົງຄາມ ຢູ່ ສປປ ລາວ ພ້ອມທັງກວດກາ ແລະ ປັກຫຼັກໝາຍຂອບເຂດເພື່ອຈະສືບຕໍ່ເກັບກູ້ໃນຕໍ່ໜ້າ.
