ບ້ານແທ່ນຄຳຕົວແບບທະນາຄານບ້ານຂອງເມືອງຫົງສາ

ທະນາຄານບ້ານແທ່ນຄໍາ ເປັນທະນາຄານບ້ານຕົວແບບ ໃນການ ບໍລິຫານ, ການຄຸ້ມຄອງ ແລະການກວດກາທີ່ດີ ເຊິ່ງປັດ ຈຸບັນມີ 580 ສະມາຊິກ, ມີເງິນ ຝາກທັງໝົດ 2,5 ຕື້ກີບ ອັນໄດ້ ຊ່ວຍໃຫ້ຊັບສິນ ແລະ ກອງທຶນ ຂອງບ້ານເພີ່ມຂຶ້ນ 2,67 ຕື້ກີບ.

ທະນາຄານບ້ານດັ່ງກ່າວ ສ້າງຕັ້ງຂຶ້ນໃນທ້າຍປີ 2007 ໃນ ເວລານັ້ນມີສະມາຊິກພະນັກ   ງານ  192  ຄົນ ແລະໄດ້ຮັບທຶນ ຊ່ວຍເຫຼືອຈາກໂຄງການຈີທີ  ແຊັດ 42 ລ້ານກ່ວາກີບ, ມີຍອດ ເງິນຝາກຂອງສະມາຊິກ 6 ລ້ານ ກວ່າກີບແຕ່ຂະນະດຽວກັນ ກໍໄດ້ ປ່ອຍກູ້ໃຫ້ສະມາຊິກ 4 ລ້ານກີບ ແລະມາຮອດປີ 2017 ນີ້ທະນາ ຄານບ້ານແທ່ນຄໍາ ມີສະມາຊິກ  ເພີ່ມເປັນ 580 ຄົນ, ມີເງິນຝາກ ຂອງສະມາຊິກ 2,5 ຕື້ກີບ ແລະ ໄດ້ປ່ອຍກູ້ໃຫ້ສະມາຊິກ 531ລ້ານກ່ວາກີບນີ້ແມ່ນຄໍາຢືນຢັນ ຂອງປະທານສະພາບໍລິຫານ ສະຖາບັນການເງິນຈຸລະພາກທີ່ບໍ່ຮັບເງິນຝາກ ເມືອງເງິນ- ຫົງ ສາທັງເປັນປະທານທະນາຄານ ບ້ານແທ່ນຄໍາ.

ທ່ານ ປະທານທະນາຄານ ບ້ານແທ່ນຄໍາ ກ່າວຕື່ມວ່າ: ຜ່ານ ການເຄື່ອນໄຫວໃນໄລຍະຜ່ານ ມາສະມາຊິກສ່ວນໃຫຍ່ ໄດ້ກູ້ຢືມ ເງິນນໍາໃຊ້ເຂົ້າຖືກເປົ້າໝາຍຕົວ ຈິງ ເຊິ່ງກ່ອນໜ້ານີ້ຊີວິດການ ເປັນຢູ່ຂອງຫຼາຍຄອຍຄົວມີ ຄວາມທຸກຍາກ, ຈົນບາງຄົວ ເຮືອນກໍບໍ່ມີເຮືອນຢູ່, ລົດທໍາ ການຜະລິດຫຼືລົດລາກແກ່ແຮງ ບໍ່ເວົ້າ, ບໍ່ມີເງິນເອົາໄຟຟ້າເຂົ້າ ເຮືອນແລະອື່ນໆ,ແຕ່ ຍ້ອນມີ ການນໍາພາຂອງອົງຄະນະພັກ ແລະອໍານາດການປົກຄອງ ແຂວງໄຊຍະບູລີ ກໍຄືການນໍາ ເມືອງຫົງສາ ແລະການຊ່ວຍ ເຫຼືອຂອງຫຼາຍພາກສ່ວນ, ແຕ່ ສິ່ງສໍາຄັນແມ່ນຄວາມດຸໝັ້ນ ຫ້າວຫັນປະດິດສ້າງຂອງຊາວ ບ້ານ ແລະ ຍ້ອນການປະກອບ ສ່ວນຂອງແຫຼ່ງທຶນທະນາຄານບ້ານ ເຊິ່ງເປັນທະນາຄານ ຂອງ ປະຊາຊົນ ເຮັດໃຫ້ຊີວິດການ ເປັນຢູ່ຂອງຊາວບ້ານດີຂຶ້ນ ຢ່າງຂາດຂັ້ນ ແລະມີພາຫະນະ ທຳການຜະລິດ, ມີລົດຈັກ-ລົດ ໃຫຍ່, ລົດໄຖນາ, ຈັກປັ່ນເຂົ້າ, ໂຮງສີ ປັດຈຸບັນປະຊາ ຊົນມີເຂົ້າ ຂາຍອອກທຸກປີ ແລະມີເງິນຝາກ ໄວ້ຢູ່ທະນາຄານບ້ານຂອງຕົນ.

ແຜນການໃນຕໍ່ໜ້ານີ້ ຈະ ສືບຕໍ່ລະດົມເງິນຝາກໃຫ້ເພີ່ມ   ຂຶ້ນ ແລະໃນເວລາດຽວກັນກໍ ຈະສູ້ຊົນປ່ອຍກູ້ໃຫ້ຖືກເປົ້າໃຫ້ ຫຼາຍ ແລະ ເພີ່ມຂຶ້ນ, ປັບປຸງກົດ ລະບຽບຂອງທະນາຄານບ້ານກ່ຽວກັບການຝາກເງິນ ແລະ ຊໍາ ລະເງິນໃຫ້ແທດເໝາະກັບສະ ພາບຕົວຈິງ, ເອົາໃຈໃສ່ແກ້ໄຂ ບັນຫາໜີ້ກາຍສັນຍາໃຫ້ຫຼຸດ     ລົງ ແລະ ສໍາເລັດກ່ອນເດືອນ ທີ່ຈະຈ່າຍເງິນປັນຜົນທ້າຍປີໃຫ້ ທ່ວງທັນຕາມທີ່ກໍານົດໄວ້.