ຝຣັ່ງ ເປີດໂຕທີມຊຸດປ້ອງກັນແຊ້ມໂລກ! ເບນເຊມ່າ-ເອັມປັບເປ້ ລວມກຳລັງ ນຳແຊ້ມເກົ່າບຸກ ກາຕ້າ
ເປັນໜຶ່ງທີມທີ່ແຟນບານທົ່ວໂລກຈັບຕາເບິ່ງສຳລັບບານໂລກ 2022 ທີ່ປະເທດກາຕ້າ ແລະ ໃນທີ່ສຸດທີມຊາດຝຣັ່ງ ແຊ້ມໂລກຄັ້ງທີ່ຜ່ານມາ ໄດ້ເປີດໂຕນັກເຕະຊຸດປ້ອງກັນແຊ້ມໂລກເປັນທີ່ຮຽບຮ້ອຍ.
ດີດິເຢ່ ເດຊັອງ ຜູ້ຈັດການທີມ ໄດ້ປະກາດລາຍຊື່ 25 ນັກເຕະຊຸດປ້ອງກັນແຊ້ມໂລກທີ່ກາຕ້າ, ເຊິ່ງໃນນັ້ນມີຈຳນວນ 10 ຄົນທີ່ໄດ້ແຊ້ມບານໂລກທີ່ຜ່ານມາ. ໄດ້ຖືກເອີ້ນກັບຄືນມາຮັບໃຊ້ຊາດອີກເທື່ອຫນຶ່ງ
ແນ່ນອນວ່າສອງກອງໜ້າ ຄາຣິມ ເບນເຊມ່າ ແລະ ຄີລິຍານ ເອັມປັບເປ້ ສອງກອງໜ້າຕົວເກັ່ງຈາກ ຣຽວ ມາດຣິດ ແລະ ປາຣີສ ແຊັງ-ແຊັກແມັງ. ເປັນອາວຸດຫລັກຂອງກອງທັບ “ໄກ່ຕີ” ເຖິງວ່າ ເບນເຊມ່າ ຍັງມີບັນຫາເລື່ອງຄວາມຟິດ ແຕ່ຈົນກ່ວາຈະເຖິງມື້ເປີດສະຫນາມເຂົາອາດຈະສົມບູນເຕັມຮ້ອຍ
ສວ່ນ ຣາຟາເອລ ວາຣານ ກອງຫລັງຂອງ ແມນເຊັສເຕີ ຢູໄນເຕັດ ທີ່ໄດ້ຮັບບາດເຈັບຫົວເຂົ່າ ກໍ່ມີຊື່ຢູ່ໃນທີມຊຸດນີ້ຫລັງຈາກ ເດຊັອງ ແລະ ທີມງານຄາດຄະເນວ່າລາວຈະຟື້ນຕົວທັນເວລາ
**ລາຍຊື່ນັກເຕະທີມຊາດຝຣັ່ງ ຊຸດປ້ອງກັນແຊ້ມໂລກ **
#ຜູ້ຮັກສາປະຕູ: ອັລຟັງ ອາເຣໂອຣາ (West Ham United), ຮູໂກ ໂຢຣິສ (Tottenham Hotspur), ສະເຕັຟ ມັອງດອງດ້າ (Rans)
#ກອງຫລັງ: ລູຄັສ ແອນັອງເດສ (Bayern Munich), ເຕໂອ ແອນັອງເດສ (AC Milan), ເພຣເນສ ຄິມເປມເບ້ (Paris Saint-Germain), ອິບຣາຮິມາ ໂກນາເຕ້ (Liverpool), ຊູນ ກຸນເດ້ (Barcelona), ແບນຈາແມັງ ປາວາ (Bayern Munich), ວິນລຽມ ຊາລິບາ (ອາເຊນອລ), ດາໂຢ ອຸປາເມກາໂນ (ບາເຢິນ ມິວນິກ), ຣາຟາເອລ ວາຣານ (ແມນເຊັສເຕີ ຢູໄນເຕັດ)
#ກອງກາງ: ເອດູອາໂດ້ ກາມາວິນກ້າ (Real Madrid), ຢູຊູບ ໂຟຟານ່າ (Monaco), ມັດເຕໂອ ເກນດູຊີ່ (Marseille), ອາດຽນ ຣາບິໂອ (Juventus), ໂອເຣຣຽງ ຊູອາເມນີ (Real Madrid), ຈໍດານ ເວເຣຕູ (Marseille)
#ກອງໜ້າ: ຄາຣິມ ເບນເຊມ່າ (Real Madrid), ຄິງເລ່ ໂກມັນ (Bayern Munich), ອຸສມານ ເດມເບເລ່ (Barcelona), ໂອລິວິເຢ ຊິຣູ (AC Milan), ອັອງຕວນ ກຣິສມັນ (Atletico Madrid), ຄີລິຍານ ເອັມປັບເປ້ (Paris Saint-Germain), ຄຣິສໂຕເຟີ ເອັນກຸນກູ (RB Leipzig) )
