ຜ່ານບາຊ່າໄດ້! ເຟຣັດ ໝັ້ນໃຈ ແມນຢູ ມີພາສີດີກ່ອນບາຊ່າ ເຊື່ອໜັ້ນເຕະໃນບ້ານ ນັດທີສອງເປັນຂໍ້ໄດ້ປຽບຜິຈະຜ່ານເຂົ້າຮອບໄດ້
ເຟຣັດ ກອງກາງຂອງ ແມນເຊສເຕີ ຢູໄນເຕັດ ໝັ້ນໃຈວ່າ ຜີສາດແດງມີພາສີສູງກວ່າຄູ່ແຂ່ງຢ່າງ ບາເຊໂລນາ ໃນຮອບແບ່ງກຸ່ມ ຢູໂຣປາ ລີກ ເຊິ່ງເຮັດໃຫ້ພວກເຂົາໄດ້ປຽບກັບຍັກໃຫຍ່ແຫ່ງກະທິງດຸ.
ແມນເຊັສເຕີ ຢູໄນເຕັດ ຕ້ອງເມື່ອຍໃນການແຂ່ງຂັນຮອບ play-off ຂອງລາຍການດັ່ງກ່າວຍ້ອນວ່າພວກເຂົາບໍ່ສາມາດຊະນະຮອບແບ່ງກຸ່ມໄດ້ ແລະ ຜົນຈັບສະລາກຍັງເຮັດໃຫ້ພວກເຂົາຕ້ອງປະທະກັບ ບາເຊໂລນາ ທີ່ຕົກຈາກ ແຊ້ມປ້ຽນລີກ ໃນຖານະທີມອັນດັບສາມຂອງກຸ່ມ
ຈາກສະຖິຕິທີ່ຜ່ານມາ ແມນເຊັສເຕີ ຢູໄນເຕັດ ເປັນຮອງ ບາເຊໂລນາ ຢ່າງຊັດເຈນ ຈາກທີ່ເຄີຍແຂ່ງຂັນໃນຮອບຊີງຊະນະເລີດເອີຣົບທີ່ຜ່ານມາ, ແຕ່ ເຟຣັດ ເຫັນວ່າການຫລິ້ນໃນບ້ານນັດທີ 2 ຈະເປັນຂໍ້ໄດ້ປຽບໃຫ້ກັບ ຜີສາດແດງ
ພວກເຮົາຮູ້ດີວ່າ ບາເຊໂລນາ ເປັນທີມທີ່ຍິ່ງໃຫຍ່ ມັນບໍ່ແມ່ນເກມທີ່ງ່າຍ ບໍ່ມີເກມທີ່ງ່າຍໃນ ແຊ້ມປ້ຽນລີກ ” ກອງກາງຊາວ ແຊັມບາ ກ່າວໃນວັນທີ 8 ພະຈິກ.
“ພວກເຮົາຕ້ອງຫລິ້ນກັບ ບາເຊໂລນາ, ມັນເປັນເກມທີ່ໃຫຍ່. ຂ້າພະເຈົ້າແນ່ໃຈວ່າພວກເຮົາຈະກຽມພ້ອມ ນັກເຕະມັກຫລິ້ນເກມແບບນີ້ ມັນເປັນຄວາມພຣະປະສົງຂອງພຣະເຈົ້າ ພວກເຮົາສາມາດເຂົ້າຮອບໄດ້.”
“ສະໜາມກິລາຂອງພວກເຮົາມີບັນຍາກາດທີ່ດີຢູ່ສະເໝີ ດ້ວຍການສະໜັບສະໜູນຂອງແຟນບານຂອງພວກເຮົາ. ພວກເຮົາຫລິ້ນບໍ່ໄດ້ດີໃນສອງລະດູການທີ່ຜ່ານມາ. ແຕ່ພວກເຂົາຍັງຢູ່ຂ້າງພວກເຮົາ. ແລະ ສະຫນັບສະຫນູນທີມ”
“ຂ້ອຍແນ່ໃຈວ່າພວກເຂົາຈະສະຫນັບສະຫນູນພວກເຮົາໃນເກມກັບບາເຊໂລນາ, ພວກເຂົາຈະມອບຄວາມເຂັ້ມແຂງໃຫ້ພວກເຮົາເພື່ອຊະນະ. ດ້ວຍເຫດນີ້ມັນເປັນສິ່ງສໍາຄັນທີ່ຈະຫລິ້ນຕໍ່ຫນ້າແຟນຂອງພວກເຮົາ. ແລະ ຄວ້າຜົນລັບຢູ່ທີ່ນີ້.”
