ບຣາຊິວ ປະກາດລາຍຊື່ 26 ນັກເຕະ ໄລ່ລາແຊ້ມບານໂລກສະໄໝທີ 6 ເນມ່າ ນຳທັບ ຟິມີໂນ່ ຫລຸດທີມ
ຫລັງຈາກທີ່ ຍີ່ປຸ່ນ ປະກາດລາຍຊື່ນັກເຕະຮອບສຸດທ້າຍ ສຳລັບບານໂລກ 2022 ທີ່ປະເທດກາຕ້າ ອອກມາເປັນທີມທຳອິດ. ຄັ້ງນີ້ເປັນຄິວຂອງ ບຣາຊິວ ແຊ້ມໂລກ 5 ສະໄໝ ຢືນຢັນລາຍຊື່ຊຸດລ່າແຊ້ມໂລກສະໄໝທີ່ 6
ຕິເຕ້ ຄູຝຶກຂອງທີມຊາດບຣາຊິນ ເປີດເຜີຍລາຍຊື່ 26 ນັກເຕະທີ່ຈະເຄື່ອງຂອງ ແລະ ບິນໄປຊິງແຊ້ມໂລກທີ່ປະເທດກາຕ້າ. ງວດນີ້ດາວດັງຫລາຍຄົນຕິດຢູ່ໃນທັບມາຫລາຍນໍາໂດຍ ເນມ່າ ຊຸບເປີສະຕາຂອງ ປາຣີສ ໃນຂະນະທີ່ກອງໜ້າເລືອດຢ່າງ ກາບຣຽວ ມາຕິນເນລີ ຂອງ ອາເຊນອລ, ອັນໂຕນີ ຈອມເທັກນິກຂອງ ແມນເຊັສເຕີ ຢູໄນເຕັດ ແລະ ວີນິຊິອຸສ ຈູເນຍ ດາວຍິງຂອງ ຣຽວ ມາດຣິດ ກໍ່ຕິດທີມມາດ້ວຍເຊັ່ນກັນ
ຢ່າງໃດກໍ່ຕາມ ບໍ່ມີຊື່ຂອງ ໂຣແບໂຕ ຟິມິໂນ່ ກອງໜ້າຂອງ ລິເວີພູລ ທີ່ຟອມໂດດເດັ່ນຍິງໄປ 6 ປະຕູໃນ ພຣີເມຍລີກ ລະດູການນີ້, ແຕ່ເຖິງຢ່າງໃດກໍ່ຍັງມີຕົວແທນນັກເຕະຂອງ ຫົງແດງ ເລືອດ ແຊ້ມບາ ອາລິຊອນ ແລະ ຟາບິນໂຢ ເປັນຕົວແທນສະໂມສອນໃນການຮັບໃຊ້ຊາດຄັ້ງນີ້
ສຳລັບ ບຣາຊິວ ທີ່ຢູ່ໃນກຸ່ມ G ຮ່ວມກັບ ເຊີເບຍ, ສະວິດເຊີແລນ ແລະ ແຄມເມີຣູນ ຈະເປີດສາກການແຂ່ງຂັນເຕະບານໂລກ 2022 ນັດທຳອິດກັບ ເຊີເບຍ ໃນວັນທີ 24 ພະຈິກ
** ລາຍຊື່ນັກເຕະທີມຊາດບຣາຊິວ 26 ຄົນ ຊຸດບານໂລກ 2022 **
#ຜູ້ຮັກສາປະຕູ: ອາລິຊອນ (Liverpool), ເອແດຊອນ (Manchester City), ເວເວີຕອນ (Palmeiras)
#ກອງຫລັງ: ອະເລັກຊານໂດຣ (ຢູເວນຕຸສ), ອະເລັກ ເຕເລສ (ເຊບີຢາ), ດານີ ອັລເວສ (ປູມາສ), ດານິໂລ (ຢູເວນຕຸສ), ເບຣເມີ (ຢູເວນຕຸສ), ເອເດີ ມິລິເຕົາ (ຣຽວ ມາດຣິດ), ມາຄິນຢອດ (ປາຣິສ ແຊັງ-ແຊັກແມັງ), ທິອາໂກ ຊິລວາ (ເຊວຊີ)
#ກອງກາງ: ບຣູໂນ ກິມມາໄຣ (Newcastle), ຄາຊິເມໂຣ່ (Manchester United), ເອເວີຕອນ (Flamengo), ຟາບິນໂຢ່ (Liverpool), ເຟຣັດ (Manchester United), ລູຄັສ ປາເກຕ້າ (West Ham United)
#ກອງໜ້າ: ອັນໂຕນີ (Manchester United), ກຣາບຽວ ເຊຊຸສ (Arsenal), ກາບຣຽວ ມາຕິນເນລີ (Arsenal), ເນມ່າ (Paris Saint-Saint-Germain), ເປຣໂດ (Flamengo), ຣາຟິນຍ່າ (Barcelona), ຣິຊາລິສັນ (Tottenham Hotspur), ໂຣດິໂກ (Real Real) Madrid), ວີນິຊິອຸສ ຈູເນຍ (Real Madrid).
