G7 ປຶກສາຫາລື ແກ້ໄຂວິກິດການດ້ານພະລັງງານ, ສະພາບການໄພເງິນເຟີ້ທົ່ວໂລກ, ການປ່ຽນແປງຂອງດິນຟ້າອາກາດ
November 8, 2022 - 11:51 AM
ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນຜ່ານມາ, ລັດຖະມົນຕີການຕ່າງປະເທດ ກຸ່ມບັນດາປະເທດອຸດສາຫະກຳແຖວໜ້າໂລກ (G7) ໄດ້ຈັດກອງປະຊຸມປຶກສາຫາລື ຢູ່ ນະຄອນມຸນສເຕີ ທາງພາກຕາເວັນຕົກຂອງປະເທດເຢຍລະມັນ.
ກອງປະຊຸມໄດ້ປຶກສາຫາລືກ່ຽວກັບບັນຫາ ຄື: ວິກິດການດ້ານພະລັງງານ, ສະພາບການໄພເງິນເຟີ້ທົ່ວໂລກ, ການປ່ຽນແປງຂອງດິນຟ້າອາກາດ ກໍແມ່ນບັນດາບັນຫາຫຼັກໃນໂຄງການດຳເນີນງານ. ໃນສະພາບການໄພເງິນເຟີ້ເພີ່ມຂຶ້ນສູງສົ່ງຜົນກະທົບຕໍ່ເສດຖະກິດທົ່ວໂລກ, ມີຄວາມສ່ຽງພາໄປເຖິງການຊຸດໂຊມ, G7 ກໍປຶກສາຫາລືບັນດາມາດຕະການຕ້ານໄພເງິນເຟີ້, ລາຄາພະລັງງານເພີ່ມຂຶ້ນສູງ ແລະ ລະບົບສະໜອງສືບຕໍ່ລົ້ມລະລາຍ. ກອງປະຊຸມຄັ້ງນີ້ມີຄວາມສຳຄັນດ້ານຍຸດທະສາດ, ຍ້ອນວ່າສະພາບການຄວາມເຄັ່ງຮ້ອນດ້ານພູມສາດ ບໍ່ພຽງແຕ່ສົ່ງຜົນກະທົບຕໍ່ທົ່ວເອີຣົບເທົ່ານັ້ນຫາກຍັງແມ່ນວິກິດການຂະໜາດໃຫຍ່ຂອງໂລກອີກດ້ວຍ.
