ພ້ອມຮັບຟັງ! ອັນເຊລັອດຕິ ບໍ່ປິດຊ່ອງທາງ ຫາກ ເອເດນ ອາຊາ ຢາກຍ້າຍທີມ

ຄາໂລ ອັນເຊລັອດຕິ ຫົວໜ້າຄູຝຶກຂອງ ຣຽວ ມາດຣິດ ຢືນຢັນວ່າລາວພ້ອມທີ່ຈະຮັບຟັງຖ້າມີນັກເຕະຕ້ອງການຍ້າຍທີມໄປໃນຊ່ວງເດືອນມັງກອນນີ້. ໂດຍສະເພາະໃນກໍລະນີຂອງ ເອເດນ ອາຊາ

ແນວບຸກຂອງທີມຊາດ ເບວຢ້ຽມ ບໍ່ຄ່ອຍໄດ້ຮັບໂອກາດລົງສະໜາມເທົ່າທີ່ຄວນໃນລະດູການນີ້. ເຊິ່ງຄູຝຶກຊາວສະເປນຍອມຮັບວ່າໃນທີມມີການແຂ່ງຂັນສູງ. ຊຶ່ງເປັນເລື່ອງປົກກະຕິສໍາລັບຜູ້ຫລິ້ນບາງຄົນທີ່ຈະຕ້ອງຜິດຫວັງ

“ສໍາລັບ ເອເດນ ອາຊາ ປະເດັນແມ່ນລາວອາດໄດ້ລົງຫລິ້ນຫນ້ອຍກວ່າທີ່ຄວນເພາະວ່າທີມເຮົາມີການແຂ່ງຂັນ ມີຄົນອື່ນທີ່ຄວນໄດ້ຫລິ້ນຫລາຍກວ່າລາວໃນເວລານີ້, ” ອັນເຊລັອດຕິ ກ່າວ

“ໃນສະໂມສອນໃຫຍ່ເຈົ້າຕ້ອງມີການແຂ່ງຂັນ ການແຂ່ງຂັນແມ່ນການກະຕຸ້ນ ການແຂ່ງຂັນແມ່ນເລື່ອງທີ່ດີ. ແຕ່ນີ້ກໍ່ແມ່ນສາເຫດທີ່ ອາຊາ ມີເວລາລົງຫລິ້ນຫນ້ອຍກວ່າທີ່ລາວໄດ້ຮັບ”