ອຳມະຕະຊີຕີ້ ລາວ ໄດ້ຮັບສິດພັດທະນາສ້າງຕົວ ເມືອງອຸດສາຫະກຳທັນສະໄໝ ຢູ່ ເມືອງນາໝໍ້ ແຂວງອຸດົມໄຊ ເນື້ອທີ່ 3.150 ເຮັກຕາ
ວັນທີ 25 ສິງຫາ 2022 ຜ່ານມາ ກະຊວງແຜນການ ແລະ ການລົງທຶນ ຝ່າຍລັດຖະບານລາວ ເຊັນສັນຍາມອບສິດທີ່ດິນໃນໂຄງການ ພັດທະນາ ເມືອງອຸດສາຫະກຳທັນສະໄໝ ແລະ ເປັນມິດຕໍ່ສ້າງແວດລ້ອມ ຢູ່ເມືອງ ນາໝໍ້, ແຂວງ ອຸດົມໄຊ ໃນເນື້ອທີ່ 3.150 ເຮັກຕາ ໃຫ້ບໍລິສັດ ອຳມະຕະຊີຕີ້ ລາວ ຈຳກັດ.
ທ່ານ ວິກົມ ກົມມະດິດ ປະທານກຳມະການບໍລິການ ບໍລິສັດ ອຳມະຕະ ຄໍປໍເຣຊັນ ຈຳກັດມະຫາຊົນ ກ່າວວ່າ: ບໍລິສັດ ອຳມະຕະຊີຕີ້ ລາວ ຈຳກັດ ໄດ້ເຊັນ MOU ໄປເມື່ອ 4 ປີທີ່ແລ້ວ ຫຼັງຈາກທີ່ໄດ້ທຳການສຶກສາສຳເລັດ ແລະ ໄດ້ມາເຊັນສັນຍາຈຸດ ນາໝໍ້ ແຂວງ ອຸດົມໄຊ ໃນມື້ນີ້ (ຂະນະທີ່ນາເຕີຍ ແຂວງ ຫຼວງນໍ້າທາແມ່ນໄດ້ເຊັນສຳເລັດແລ້ວ) ຖ້າເວນຄືນທີ່ດິນທີ່ຖືກຜົນກະທົບຢູ່ນາເຕີຍສຳເລັດພາຍໃນເດືອນຕຸລານີ້ ແມ່ນທາງບໍລິສັດ ອຳມະຕະຊີຕີ້ ລາວ ຈຳກັດແມ່ນຈະເລີ່ມລົງມືກໍ່ສ້າງເລີຍ.
ລົງທຶນ ແມ່ນຈະເນັ້ນໃສ່ສະພາບແວດລ້ອມໃນການລົງທຶນ, ເຊິ່ງໃນລາວ ພວກເຮົາຈະສຸມໃສ່ສ້າງບັນດາໂຮງງານອຸດສາຫະກຳໃນໄຕມາດທີ 2, ປັດຈຸບັນບໍລິສັດ ອຳມະຕະຊີຕີ້ ມີໂຮງງານທັງໝົດ 1.400 ກວ່າໂຮງງານຈາກບັນດາ 30 ກວ່າປະເທດ, ສິ່ງທີ່ເປັນນະໂຍບາຍຂອງບໍລິສັດ ອຳມະຕະຊີຕີ້ ແມ່ນເນັ້ນໃສ່ເລື່ອງຂອງສິ່ງແວດລ້ອມ ຫຼື ເວົ້າໄດ້ວ່າເປັນ perfect city ປະຈຸບັນກຸ່ມລິສັດສັດພວກເຮົາກຳລັງເຂົ້າເປັນສະມາດຊີຕີ້ (smart city) ບໍ່ມີນໍ້າເສຍໄຫຼອອກຈາກເຂດ, ຂີ້ເຫຍື້ອແມ່ນເອົາໄປຜະລິດເປັນໄຟຟ້າ.
ສະເພາະຢູ່ເມືອງ ນາໝໍ້ ແຂວງ ອຸດົມໄຊ ແມ່ນເຮົາໄດ້ສິດທີ່ດິນທັງໝົດ 3.150 ເຮັກຕາ ແລະ ຖ້າທາງໜ່ວຍງານກ່ຽວຂ້ອງສາມາດໄກ່ເກ່ຍທີ່ດິນໃຫ້ກັບທາງບໍລິສັດ ອຳມະຕະຊີຕີ້ ລາວ ຈຳກັດ ຄົບຖ້ວນພວກເຮົາຈະເລີ່ມຖອກເງິນຄ່າພັນທະອາກອນຕ່າງໆໃຫ້ກັບລັດຖະບານລາວ ແລະ ເມືອງທີ່ພວກເຮົາຈະສ້າງແມ່ນຈະເປັນເມືອງທີ່ງົດງາມທີ່ສຸດ, ມີການຜະລິດທັງປີ, ເປັນເມືອງອຸດສາຫະກຳ ທີ່ສະອາດບໍ່ສົ່ງຜົນກະທົບຕໍ່ສິ່ງແວດລ້ອມ.
