Lao Asia Pacific Satellite Co ໄດ້ລິຂະສິດຖ່າຍທອດສົດບານໂລກ 2022 ຢ່າງເປັນທາງການໃນລາວ
ອັບເດດລາຍຊື່ປະເທດໃນພາກພື້ນອາຊຽນທີ່ໄດ້ຮັບສິດຖ່າຍທອດສົດບານໂລກ 2022 ໂດຍ ສປປ ລາວ ແລະ ມຽນມາ ເປັນສອງປະເທດຫລ້າສຸດທີ່ໄດ້ຮັບສິດ
ຄວາມຄືບໜ້າຂອງການຊື້ລິຂະສິດຖ່າຍທອດສົດບານໂລກ 2022 ທີ່ປະເທດກາຕ້າ ທີ່ຈະເປີດການແຂ່ງຂັນລະຫວ່າງວັນທີ 20 ພະຈິກ – 18 ທັນວານີ້ ເຊິ່ງກ່ອນໜ້ານີ້ຢູ່ພາກພື້ນອາຊຽນ, ມີພຽງໄທ, ມຽນມາ ແລະ ລາວທີ່ຍັງບໍ່ໄດ້ຮັບລິຂະສິດ
ຢ່າງໃດກໍຕາມ ຫລ້າສຸດໃນວັນທີ 2 ພະຈິກນີ້, ປະກົດວ່າມຽນມາ ແລະ ລາວ ແມ່ນຜູ້ຖືສິດໃນການຖ່າຍທອດສົດບານໂລກ 2022 ໄດ້ເປັນທີ່ຮຽບຮ້ອຍແລ້ວ. ໂດຍທາງ ມຽນມາ ຜູ້ໄດ້ຮັບໃບອະນຸຍາດແມ່ນ SKY NET ທີ່ຈະຖ່າຍທອດສົດໃຫ້ປະຊາຊົນມຽນມາໄດ້ເບິ່ງທັງໝົດ 64 ຄູ່ ແລະ ໃນຂະນະທີ່ເວັບໄຊທ໌ FIFA ອັບເດດລາຍຊື່ຜູ້ຖືລິຂະສິດໃນປະເທດຕ່າງໆ ປະກົດວ່າມີຊື່ປະເທດລາວທີ່ໄດ້ຮັບອະນຸຍາດຜ່ານບໍລິສັດ Lao Asia Pacific Satellite Co., Ltd ເຊິ່ງລາວເຮົາໄດ້ຮັບສິດອອກອາກາດຄົບທຸກຊ່ອງທາງ ບໍ່ວ່າຈະເປັນວິທະຍຸ, ໂທລະພາບ, ໂທລະສັບມືຖື ແລະ ອິນເຕີເນັດ.
