ຜູ້ຫວັງດີເຕືອນສາຍຄວັນ ! ກ່ອນຈະຊ້າເກີນໄປ

ວັນທີ 31 ຕຸລາ 2022 ນີ້ ຜູ້ໃຊ້ເຟສບຸກ Mexai Dexlao ໂພສໃນເຟສສ່ວນຕົວວ່າ:

“ໃຜທີ່ເປັນສາຍປາຕີ້ ຫຼື ສາຍມັກລອງ ມື້ນີ້ຂ້ອຍຢາກຂໍເຕືອນ ໃຜທີ່ສູບຢາສູບໄຟຟ້າແລ້ວໃສ່ນ້ຳຢາ CBD ຢາກຝາກເຕືອນໃຫ້ເຊົາສູບ ມື້ວານນີ້ (ວັນທີ 30 ຕຸລາ) ເຫດການໃນຊີວິດຈິງ ຄືຂ້ອຍໄດ້ເຕະບານແລ້ວ ແລ້ວຫຼັງຈາກນັ່ງ ກິນເບຍ ແລະ ສູບຢາສູບໄຟຟ້ານ້ຳຢາ CBD, ສູບໄປ 5 ນາທີຮູ້ສືກວິນຫົວ ເຫັນພາບຫຼອນ ແລະ ຄຸມໂຕເອງບໍ່ໄດ້, ຜ່ານໄປປະມານ 2 ນາທີໝູ່ ໄດ້ເອົາໄປນອນ. ຫຼັງຈາກນອນໄດ້ປະມານໜຶ່ງ ຮູ້ສຶກວ່າປວກຮາກ ແລ້ວໄປຮາກຢູ່ຫ້ອງນ້ຳ ແລ້ວຫຼັບໄປເລີຍ ແລ້ວຢຸດຫາຍໃຈ,  ຊີບພະຈອນຢຸດເຕັ້ນປະມານ 1 ນາທີ ກໍຟື້ນຄືນມາ ແລະ ໝູ່ເອົາໄປໂຮງໝໍ ເມືອງທຸລະຄົມ ອາການຂອງຂ້ອຍໂຕສັ່ນ, ຄຸມສະຕິບໍ່ໄດ້, ກັດລີ້ນໂຕເອງ, ມືຕີນຈັງ ແຮງຫຼາຍກວ່າປົກກະຕິ ໝູ່ຂ້ອຍກັບແພດລວມກັນ 11 ຄົນກະເອົາບໍ່ຢູ່ ແລະ ຈະມີອາການເຫັນໂຕເລກອ້ອມໂຕ ແລະ ອັກສອນໃຫ້ເຮົາຕອບຄຳຖາມ ຕອບຄຳຖາມບໍ່ໄດ້ຄືບໍ່ໄດ້ສະຕິ ເຫດການນີ້ຝາກເຕືອນໄວລຸ້ນ ແລະ ສາຍປາຕີ້. ຮ່າງກາຍເຈົ້າຈະແຂງແຮງສ່ຳໃດ ຫຼື ຈະສາຍປາຕີ້ສ່ຳໃດ ກະບໍ່ຢາກໃຫ້ລອງມັນອັນຕະລາຍອີ່ຫຼີ ຂ້ອຍຂໍນໍາອັນນີ້ມັນເຫດການຈິງ ບໍ່ຢາກໃຫ້ມີໃຜເປັນຄືໂຕຂ້ອຍເອງ”

ດັ່ງນັ້ນ, ຂໍຝາກເປັນອຸທາຫອນໃຫ້ສັງຄົມ ແລະ ໄວໜຸ່ມທີ່ພວມຄຶກຄະນອງ ຢາກຮູ້ຢາກລອງ ຢ່າໄດ້ຫລົງເຂົ້າໄປກຸ່ມນັ້ນເລີຍ, ຜູ້ອອກມາໂພສເຕືອນອາດໂຊກດີທີ່ລາວບໍ່ເຖິງຂັ້ນເສຍຊີວິດ ແຕ່ຖ້າຫາກໂຊກບໍ່ດີອາດເສຍຊີວິດ ຄືດັ່ງເຫດກ່ານທີ່ເຄີຍເກີດຂຶ້ນຜ່ານມາແລ້ວກໍເປັນໄດ້. ອີກຢ່າງໜຶ່ງ ສິ່ງແປກປອມ ທີ່ບໍ່ແມ່ນສານອາຫານຈຳເປັນຕໍ່ການຈະເລີນເຕີບໂຕຂອງຮ່າງຫລາຍ ຫລື ຮ່າງກາຍບໍ່ຕ້ອງການ ຕໍ່ໃຫ້ບໍ່ເປັນອັນຕະລາຍທັນທີ ກໍເປັນອັນຕະລາຍໄລຍະຍາວ ແລະ ຂ້າຊີວິດຂອງເຮົາທາງອ້ອມໄດ້ເຊັ່ນກັນ.