ພາຍຸເຂດຮ້ອນ “ນັນເເກ” ຖະຫລົ່ມຟີລິບປິນ ເຮັດໃຫ້ມີຜູ້ເສຍຊີວິດ 48 ຄົນ

ສຳນັກຂ່າວຊີອາໄອ ລາຍງານໃຫ້ຮູ້ວ່າ: ໃນວັນທີ 30 ຕຸລາ 2022 ຄະນະກຳມະການຫລຸດຜ່ອນໄພພິບັດແຫ່ງຊາດຟີລິບປິນໄດ້ກ່າວວ່າ ຈຳນວນຜູ້ເສຍຊີວິດຈາກລົມພາຍຸເຂດຮ້ອນ “ນັນເເກ” ຢູ່ປະເທດຟີລິບປິນໄດ້ເພີ່ມຂຶ້ນເປັນ 48 ຄົນ, ມີຜູ້ບາດເຈັບອີກ 40 ຄົນ ແລະ ສູນຫາຍອີກ 22 ຄົນ, ຈຳນວນຜູ້ປະສົບໄພມີຫລາຍກວ່າ 930.000 ຄົນ, ຖືກຍົກຍ້າຍ 360.000 ຄົນ.

ຄະນະກຳມະການຫລຸດຜ່ອນໄພພິບັດແຫ່ງຊາດຟີລິບປິນກ່າວວ່າ, ລົມພາຍຸ “ນັນເເກ” ໄດ້ເຮັດໃຫ້ຫລັງຄາເຮືອນຈຳນວນ 714 ຫລັງພັງທະລາຍໃນລະດັບຕ່າງກັນ, ສາຍການບິນ 144 ຖ້ຽວບິນ ພາຍໃນປະເທດ ແລະ 20 ຖ້ຽວບິນສາກົນຖືກຍົກເລີກ ຄວາມເສຍຫາຍດ້ານກະສິກຳ ຄາດວ່າຈະມີເກືອບ 55 ລ້ານເປໂຊຂອງຟີລິບປິນ.